A DÉCIMO QUINTA EDICIÓN DA FEIRA NÁUTICO PESQUEIRA EXPOMAR TERÁ LUGAR DO 23 AO 26 DE MAIO DO VINDEIRO ANO, SEGUNDO ACABA DE DAR A COÑECER JOSÉ Mª GONZÁLEZ BARCIA.
Burela, 27 de setembro de 2012. A décimo quinta edición da feira náutico pesqueira Expomar celebraráse do 23 ao 26 de maio do vindeiro ano, segundo daba a coñecer este mediodía o alcalde e presidente da Fundación Expomar. José Mª González Barcia subliñou que antes de que remate este 2012 a Fundación Expomar pagará a débeda que tiña contraída coa confraría de pescadores.
O rexedor explicou que “hoxe reuniuse o padroado da Fundación Expomar para comezar a planificación da décimo quinta edición da feira náutico pesqueira Expomar, que se ven celebrando aquí en Burela desde xa hai bastante tempo, en concreto desde o 1994”. González Barcia indicou que “nesta reunión o que se tratou fundamentalmente foi de fixar as datas, que van ser os días 23, 24, 25 e 26 do mes de maio do próximo ano, de xoves a domingo. E a partires de agora será o comité executivo da propia fundación o que leve a batuta dos traballos preparativos para esta edición da feira. De feito desde a xerencia da Fundación Expomar xa se está traballando en contactos con expositores e con revistas especializadas para empezar a lanzar xa a décimo quinta edición da feira náutico pesqueira Expomar”.
Para a Fundación Expomar “ a celebración da feira é un reto importante porque a situación económica vai obrigarnos a racionalizar gastos, e imos ter que traballar duro, sen dúbida ningunha, para que Burela a finais de maio do ano que ven sexa de novo un referente fundamental e decisivo dentro do sector náutico pesqueiro. O contacto con expositores xa se está facendo, e tamén hai que decir que os resultados que imos acadando non son malos”.
Na xuntanza desta mañá tamén se deu conta “do acordo ao que se chegou entre a Fundación Expomar e a confraría de pescadores de Burela para zanxar a débeda que quedaba contraída entre a Fundación e a confraría. Como se sabe, cando nós chegamos ao goberno municipal, e eu como alcalde tomei posesión do cargo de presidente da Fundación Expomar, o que fixemos foi pagarlle á confraría a metade da débeda que había contraída coa mesma e á que desde a anterior presidencia da Fundación en ningún momento se lle fixera fronte, e mesmo non había interese algún en abonala”. O alcalde burelés lembrou que “nós entendíamos que esa situación non era axeitada e polo tanto naquel momento, hai aproximadamente un ano, se fixo efectivo o pago do 50 por cento e agora se chegou a un acordo para, como dicía, facerlle fronte á diferencia que restaba. O acordo é ventaxoso tanto para a confraría como para a propia Fundación Expomar e farase efectivo no que queda deste 2012 e no primeiro semestre de 2013”.
González Barcia engadiu que “nesta mesma reunión falouse da máis que posible incorporación ao padroado da Fundación Expomar da Autoridade Portuaria Ferrol-San Ciprián. Sen dúbida ningunha esto é un paso importante xa non para a consolidación da fundación, que xa está consolidada, senón para ampliar o marxe de actuación e de traballo da propia fundación. E como último dato a Fundación Expomar vai seguir traballando coa asociación de mulleres palilleiras de Burela para a organización dos encontros de palilleiras que se celebran todos os anos na nosa localidade”.
Barcia apuntou que no mes de novembro celebrarase unha nova reunión do comité executivo da Fundación Expomar co obxectivo de programar as Xornadas Técnicas e os Encontros Empresariais, e continuar perfilando a feira do próximo ano.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
