Imaxe de arquivo dunha marcha que fixeron empregados de Alcoa en Santiago o pasado mes de xuño
En una protesta delante de la Xunta
Un millar de trabajadores de Alcoa exige una tarifa eléctrica que evite cierres
SANTIAGO DE COMPOSTELA, 27 Sep. (EUROPA PRESS) – En torno a un millar de trabajadores de Alcoa de toda España se han concentrado ante las instalaciones de la Xunta en San Caetano para exigir una tarifa eléctrica para grandes consumidores que evite el cierre de las plantas que la compañía tiene en el país.
El presidente del comité de empresa de A Coruña, Nazario Arias, ha …
……………………………
A Deputación de Lugo apoia ós traballadores de Alcoa na concentración ante a sede da Xunta en San Caetano
Lara Méndez está en Santiago representando á entidade provincial, que vén de aprobar unha declaración institucional consensuada instando ó Goberno central a presentar unha solución para Alcoa antes do 5 de outubro
A Vicepresidenta Segunda da Deputación de Lugo desprazouse hoxe ata Santiago de Compostela para amosar o apoio do organismo provincial ós traballadores de Alcoa, durante a manifestación convocada hoxe ante a sede da Xunta de Galicia. Esta concentración é outro acto reivindicativo dos que dende hai tempo vén organizando o comité de empresa de Alcoa e que dende un principio contan co apoio activo do goberno lugués.
Esta mañá, centos de traballadores viaxaron dende a Mariña ata Santiago, onde comezou, ás doce do mediodía, unha concentración ante o edificio de San Caetano en defensa da factoría e para insistir, unha vez máis, na entrevista que teñen pendente co conselleiro de Economía e Industria, Javier Guerra, quen aínda non os recibiu logo de que se comprometera a sentarse cos traballadores para abordar o futuro da planta. Os traballadores de Alcoa continúan reclamando a implicación do goberno de Feijóo para atopar unha solución que garanta a continuidade da factoría. Alcoa San Cibrao cada vez ten menos tempo, xa que os responsables da empresa teñen fixada a data do 5 de outubro como límite para que o Goberno central se pronuncie sobre a tarifa eléctrica axeitada que permita continuar coa actividade da factoría de San Cibrao e dos milleiros de postos de traballo que dela dependen.
Durante a concentración, a Vicepresidenta Lara Méndez destacou que “hoxe aínda segue a incertidume sobre o futuro de Alcoa e non debemos esquecer que é o motor da Mariña, pero tamén da provincia. Non queremos nin imaxinar o que pode ser de todo Lugo se Alcoa desaparece”. Méndez subliñou que “dende a Deputación seguiremos apoiando ós traballadores de Alcoa e ás súas auxiliares ata o derradeiro momento e agardamos a tan ansiada solución, que será froito da unión de toda a provincia”
Apoio institucional unánime
Precisamente a Deputación vén de aprobar no Pleno ordinario do pasado martes, que contou coa presenza do comité de empresa de Alcoa San Cibrao, unha declaración institucional aprobada por unanimidade dos tres grupos políticos presentes na Corporación, -PSOE, BNG e PP- e que, tal e como destacou o máximo responsable provincial, José Ramón Gómez Besteiro, “simboliza o respaldo unánime de toda a provincia a Alcoa”.
Nesta declaración, a Deputación insta ó Goberno central a presentar antes do 5 de outubro unha solución encamiñada a acadar unha tarifa eléctrica que permita que a continuidade da planta mariñana e dos 2.000 postos de traballo que xera, do 35% do PIB provincial que supón a súa actividade e do positivo impacto que para a economía do norte de Galicia ten Alcoa San Cibrao.
………………………………….
O PSdeG de Lugo únese aos traballadores de Alcoa en Santiago e esixe “unha solución inmediata”
-O PSdeG censura que en concellos como o de Ourol o PP votase en contra dunha moción a favor do futuro da factoría para “non presionar” a Feijóo e Rajoy
– A candidata luguesa Concepción Burgo lembra as “preocupantes” declaracións de Feijóo e Mato e lamenta a “falta de liderado” da Xunta
Unha importante representación do PSdeG-PSOE lucense, encabezada pola número un por Lugo Concepción Burgo, e os candidatos da Mariña José Ramón val e Ismael Rego, acompañou esta mañá en Santiago os traballadores de Alcoa na súa protesta en defensa do futuro da fábrica. Burgo esixe “unha solución inmediata” para a factoría e lamenta “a falta de liderado” de Feijóo á hora de encarar o problema. Ademais, os socialistas censuran as noticias que lles chegan desde concellos lucenses como o de Ourol, onde o PP vén de votar en contra dunha moción socialista na que se pedía unha tarifa competitiva, a activación do gasoduto e o mantemento dos postos de traballo na fábrica. “Din que non queren presionar a Feijóo e a Rajoy, é incrible”, lamentan desde o PSdeG.
Burgo lembra ademais as declaracións recollidas nos medios de comunicación do presidente da Xunta, Alberto Núñez Feijóo, e a conselleira Beatriz Mato, nas que “demostran a absoluta falta de liderado e de iniciativa do Goberno galego” para resolver a problemática de Alcoa e chegar a un acordo para a tarifa enerxética. Feijóo asegurou nunha entrevista que o ministro de Industria vai visitar a factoría para “coñecer o problema”, antes de resolver definitivamente a estrutura tarifaria. “É que aínda non o coñece?”, pregúntanse os socialistas, que destacan que “xa non é tempo para fotos de última hora e xestos para a galería en campaña electoral”, e advirten a Feijóo de que “non se atreva a xogar cos postos de traballo e a economía” de moita xente. “O ministro, se vén, que veña con unha solución baixo o brazo, se non, que non veña”, resalta Burgo. Pola súa banda, Beatriz Mato afirmou que “a solución non é competencia da Xunta” e que “o Goberno central é quen terá que tomar algún tipo de decisión”. Burgo considera “vergoñento que a estas alturas os responsables de gobernar Galicia sigan a tirar balóns fóra” e lembra a negociación ao máis alto nivel que levaron a cabo Touriño e Zapatero para garantir e acadar o actual acordo para o mantemento da factoría e asegurar investimentos e traballo na zona.
………………………………….
JORQUERA DEFENDE QUE GALIZA POIDA DESEÑAR A SÚA PROPRIA POLÍTICA DE TARIFAS ELÉCTICAS PARA CONSOLIDAR ALCOA E FAVORECER A LOCALIZACIÓN NO PAÍS DOUTRAS EMPRESAS
O candidato nacionalista advirte que Galiza non pode permitirse o luxo de perder Alcoa, que por si mesma representa o 30 por cento do PIB da provincia de Lugo
Santiago de Compostela, 27 Setembro 2012.- O candidato do BNG á presidencia da Xunta, Francisco Jorquera, defendeu hoxe o deseño en Galiza dunha política tarifaria propria en materia eléctica que permita pór en valor a especialización que ten o País neste ámbito e consolidar empresas como Alcoa.
Jorquera fixo esta proposta en declaracións aos medios durante a concentración de traballadores de Alcoa ante a Consellería de Industria, convencido de que nun contexto de crise como o actual Galiza non se pode permitir o luxo de perder unha empresa coma esta, que é sostén da economía da comarca da Mariña e que tamén en Coruña dá traballo a 500 persoas, entre emprego directo e inducido.
O candidato nacionalista lembrou que, por si mesma, Alcoa representa o 30 por cento do PIB da provincia de Lugo e preguntou como é posíbel que un país como Galiza, que é o segundo productor eléctrico do Estado e que é excedentario nesta enerxía non poida deseñar a súa propria política tarifaria.
“O que está acontencendo en Alcoa -dixo- é a consecuencia de termos un goberno galego carente de política industrial durante estes case catro anos e un goberno central cunha política tarifaria totalmente perxudicial para Galiza”.
Jorquera explicou que para o BNG é evidente que Alcoa ten que ter unha tarifa acorde coa súa condición de grande consumidora eléctrica, unha tarifa de longa duración e unha “política que recoñeza a nosa especialización productiva que favoreza a consolidación das empresas existentes e a localización doutras novas”.
VÍDEO EN http://www.youtube.com/watch?v=VsyJC9cO2Lk&feature=youtu.be
…………………………………………………
Villares e Salgueiro reuníronse en Santiago co conselleiro de Industria e co presidente do comité de Alcoa de San Ciprián
-A xuntanza tivo lugar durante a manifestación en apoio a Alcoa en Santiago de Compostela
Cervo, 27 de setembro de 2012-O alcalde de Cervo, Alfonso Villares e o de Xove, Demetrio Salgueiro reuníronse este mediodía co conselleiro de Industria, Javier Guerra e co presidente do comité de empresa da planta de Alcoa en San Ciprián, José Luis Combarro, así como cos representantes dos comités doutras factorías de Galicia e de España.
O encontro foi xestionado polos dous rexedores mariñáns e tivo lugar no edificio administrativo de San Caetano, en Santiago de Compostela, durante a manifestación en apoio a Alcoa que tivo lugar na mesma capital galega. Unha mobilización á que acudiron, por parte do Concello cervense, o alcalde, Alfonso Villares; o tenente de alcalde, José Manuel Balseiro e a edil Begoña Alonso, así como representantes do comité de traballadores do Concello de Cervo.
Villares fixo un balance “moi positivo” da reunión, na que Guerra “reiterou o carácter irrenunciable da permanencia de Alcoa na Mariña e nos transmitiu o traballo continuo de mediación que está levando a cabo a Xunta de Galicia”. O mandatario cervense explicou que o conselleiro “destacou a reunión que mantivo o presidente do Goberno, Mariano Rajoy co presidente de Alcoa durante a súa viaxe aos Estados Unidos con motivo da Asamblea Xeral da ONU”.
O rexedor resaltou a importancia da manifestación que tivo lugar en Santiago para reivindicar unha tarifa eléctrica competitiva para a empresa e asegurou que “dende o goberno municipal estamos cos traballadores, con Alcoa e coa necesidade de acadar unha tarifa eléctrica xusta e que permita á factoría seguir na Mariña” explica o alcalde. “Estamos posicionados do seu lado nesta pugna coas eléctricas, pero tamén estivemos fisicamente con eles, nesta manifestación coa que agardamos que as grandes empresas enerxéticas, que teñen a solución deste conflito na súa man, entendan que Alcoa ten moitos apoios, e que se están enfrontados coa empresa, tamén terán en contra a centos de persoas”.
O rexedor manifestou a súa disposición e a de todo o executivo local para seguir realizando e secundado todas as iniciativas e todos os xestos “que estean na nosa man” para apoiar á fábrica e a todos os seus traballadores, “e farémolo como concello no que se asenta a planta de Alcoa, como concello no que residen centos de persoas que dependen da súa continuidade e simplemente por responsabilidade e solidariedade con toda a sociedade mariñá” remata o mandatario cervense.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
