O alcalde trasladará á Fegamp os abusos das eléctricas que sofren decenas de cervenses
-Alfonso Villares comprometeuse a realizar todos os trámites necesarios na Federación Galega de Municipios e Provincias, onde ostenta o cargo de vicepresidente, para tentar buscar unha solución aos conflitos coas empresas de electricidade
-O rexedor tamén anunciou que o Concello habilitará persoal de apoio aos afectados
Cervo, 3 de outubro de 2012-O alcalde de Cervo, Alfonso Villares, transmitiu onte pola tarde as súas propostas para tentar solucionar os problemas que teñen moitos consumidores coas compañías eléctricas. Foi no transcurso da reunión cos veciños organizada e promovida polo goberno local para informar e asesorar aos afectados cervenses, na que estiveron presentes un técnico de Consumo e un especialista en asuntos eléctricos.
En concreto, o rexedor anunciou que o Concello habilitará unha oficina de atención que permitirá canalizar as reclamacións, facilitará os trámites aos afectados e fará chegar eses escritos ao órgano competente. Ao mesmo tempo, Villares tamén se comprometeu a trasladar os abusos das eléctricas á Federación Galega de Municipios e Provincias (Fegamp), onde o alcalde ostenta o cargo de vicepresidente. O mandatario asegurou que traballará “co obxectivo de buscar unha solución a medio-longo prazo para tentar acabar co problema de raíz”.
Ademais, Villares valorou moi positivamente a xuntanza entre veciños e técnicos convocada como un foro aberto para resolver dúbidas e expoñer as distintas situacións. “O encontro foi de moita utilidade xa que alí puidemos coñecer de primeira man os numerosos casos que se están producindo e os variados problemas cos que se atopan os consumidores” explica o primeiro edil.
“A situación é moi complexa e xeneralizada” engade Villares, que asegura que “os concellos tamén somos vítimas do excesivo poder outorgado ás eléctricas”, por iso “é imprescindible “darlle resposta a este problema”. O rexedor tamén destacou o nivel ao que chegan os abusos: “Numerosos usuarios están recibindo facturas de importes desorbitados, que incluso é imposible que se produciran por ser moi superiores ao consumo que podería soportar a vivenda coa potencia contratada” explica Villares. Por iso, “é o momento de actuar, de facer que a voz dos cervenses sexa escoitada e que loitar para evitar que as eléctricas sigan cos seus excesos” remata o alcalde.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
