ERMIDA CHAMA A VOTAR AO BNG PARA EVITAR QUE OS ESTUDANTES DE HOXE SEXAN OS PARADOS DE MAÑÁ
‘Os galegos e as galegas deben mostrar nas urnas o seu rexeitamento á política educativa selectiva e discriminatoria que defende o Partido Popular’
Dende o BNG consideran prioritario incrementar o investimento en educación para conter o desemprego xuvenil, que en Viveiro supera xa o 24 por cento
‘Precisamos o voto de todos os xóvenes para crear unha Galiza con oportunidades laborais’
Ribadeo, 17 de outubro de 2012. A candidata número 3 do Bloque Nacionalista Galego ao Parlamento de Galiza, Ana Ermida, manifestou, esta mañá, o apoio da formación nacionalista ás mobilizacións convocadas por estudantes e familiares en contra dos recortes efectuados polo Partido Popular e alertou das ‘consecuencias irreparábeis’ que tería un novo goberno de Alberto Núñez Feijóo no eido da educación.
Ermida insistiu en que ‘a máxima da política educativa do Partido Popular é crear un ensino exclusivo, só para ricos. Durante a lexislatura que vén de rematar, a Xunta suprimiu a gratuidade dos libros de texto, pechou escolas e unidades educativas, eliminou programas como Preescolar na Casa cuxos beneficios foron contrastados e recoñecidos por expertos, eliminou liñas de transporte escolar e axudas aos comedores, reduciu o número de mestras e mestras, en contra das recomendacións dos especialistas en educación, agrupou a rapaces e rapazas de idades moi diferentes, e no ensino universitario aplicou recortes orzamentarios próximos ao 20 por cento. Todas as medidas adoptadas polo executivo de Núñez Feijóo son contrarias a unha educación pública e de calidade e todas conducen a fortalecer as escolas concertadas e privadas, é dicir, a unha educación só para ricos.’
‘No BNG – continuou a candidata – non estamos dispostos a apoiar unha educación selectiva e discriminatoria como a que defenden os populares. Votar Partido Popular o vindeiro domingo é apoiar as políticas de desmantelamento da educación pública e axudar a que os estudantes de hoxe sexan ao parados de mañá. ’
Neste senso, o Bloque Nacionalista Galego defende a importancia de priorizar o investimento en educación, procurando acadar o 6 por cento do PIB, de atender con éxito a diversidade e a integración social e cultural, de actuar na prevención e na redución do fracaso escolar que en Galiza duplica xa a media europea, e de apostar por fixar servizos educativos no medio rural.
Para Ermida ‘o investimento en educación debe ser unha prioridade e o primeiro paso para evitar que sega incrementándose o paro xuvenil. Dende 2009, o desemprego entre os menores de 25 anos da comarca da Mariña acadou o 15 por cento pero foi en Viveiro onde dito aumento acadou cifras dramáticas superando o 24 por cento.’
A candidata do Bloque Nacionalista chamou aos mozos e mozas desempregados a que amosen a súa rebeldía ante os recortes e a falla de oportunidades laborais nas urnas e insistiu na importancia que ten cada voto para garantir un bo futuro para Galiza. ‘Precisamos dos votos de todos os xóvenes para crear un pais con oportunidades educativas e laborais.’
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
