15 de decembro de 2012. Neste día, ADEGA celebrou en Compostela a súa 37 Asemblea Xeral Ordinaria. Baixo o lema “Rescata o teu ambiente”, debatemos sobre a necesaria reposta do movemento ecoloxista á crise e á perda de dereitos, que son tamén ambientais. Alén de continuarmos, como vimos facendo dende hai 37 anos, a termar do ambiente fronte á recolonización e á especulación cos nosos recursos naturais, concordamos tamén en ofrecer propostas en positivo dende o ecoloxismo a nunha sociedade cada vez máis precarizada polo capitalismo. No decurso desta 37 Asemblea, eliximos tamén a nova Xunta Directiva, que preside novamente a compañeira Virxinia Rodríguez. Xa pola noite, na cea anual de confraternización, fixemos entrega dos premios Osíxeno e Dioxina 2012. Accede ao álbum coas fotos dos actos (Ramsés Pérez)
RESOLUCIÓNS da 37 Asemblea de ADEGA:
Derrogación do “decretazo” contra o galego: A Asemblea de ADEGA esixe da Xunta de Galiza a inmediata derrogación do chamado “decreto do plurilingüismo”, após as 6 sentenzas do TSXG contrarias a esta vergoñenta norma, e a elaboración dun novo decreto que teña como punto de partida o Plano de Normalización Lingüística aprobado polo Parlamento en 2004.
Indulto para David Reboredo: A Asemblea de ADEGA expresa a súa solidariedade con David Reboredo e a súa familia e esixe ao governo español que tramite á maior brevidade o sei indulto. É indigno que se teña denegado esta medida de graza a unha persoa totalmente rehabilitada e útil á sociedade como David, mentres por dúas concedeuse un indulto a torturadores convictos e banqueiros.
Rexeitamento do “fracking”: A Asemblea de ADEGA demanda da Xunta de Galiza a aprobación das normas legais precisas para prohibir o “fracking” ou fractura hidráulica profunda en todo o noso territorio, así como nas augas de competencia autonómica, tal e como acaba de facer o governo de Cantabria.
NOVA XUNTA DIRECTIVA DE ADEGA. 37 ASEMBLEA XERAL, 2012
-Presidenta e vogal de Ríos: Virxinia Rodríguez
-Vicepresidente e vogal de Litoral: Xandro García
-Secretario Xeral e vogal de Mundialización e Pacifismo: Froilán Pallín
-Vicesecretario Xeral e vogal de Biodiversidade: Xosé Salvadores
-Tesoureiro: Xan Louzao
-Vogal da Comisión Permanente e de Protección Animal: Isabelle Kerdudo
-Vogal da Comisión Permanente e de Publicacións: Manuel Soto?
-Vogal da Comisión Permanente: Marcial Barral
-Vogal da Xunta Directiva: Xesús López Piñeiro
-Vogal da Xunta Directiva: Monserrat Lombardía
-Vogal da Xunta Directiva: Alberte Sánchez
-Vogal da Xunta Directiva: Pepa Pérez Sañudo
-Vogal da Xunta Directiva: Nes Lopes
-Vogal da Xunta Directiva: Serxio Perille
-Vogal de Afiliación: Verónica Torrijos
-Vogal de Agroecoloxía e Transxénicos: Margarida Miguéns
-Vogal de Cambio Climático: Xurxo Costoia
-Vogal de Consumo Sustentábel: Marie Lacassagne
-Vogal de Comunicación: Belén Rodríguez
-Vogal de Cooperación e Muller: Lucía Parente
-Vogal de Dereito Ambiental: Fernando de Abel
-Vogal de Educación Ambiental: Ramsés Pérez
-Vogal de Enerxía: Fins Eirexas
-Vogal de Espazos Naturais: Martiño Fiz
-Vogal de Estratexias de Comunicación: Benigno F. Salgado
-Vogal de Medio Rural e Montes: Xabier Bruña
-Vogais de Mocidade: Macías López e Sigrid Bouzón
-Vogal de Ordenación do Territorio e Urbanismo: Daniel L. Vispo
-Vogal de Patrimonio Cultural e Arqueoloxía: Manolo Miranda
-Vogal de Patrimonio Xeolóxico: Xoán Ramón Vidal-Romaní
-Vogal de Recursos Audiovisuais: Xosé Luís Blanco
-Vogal de Residuos: María Lafuente
-Vogal de Saúde Ambiental: Luis Díaz Cabanela
-Vogal de Transporte e Mobilidade: Adela Figueroa
-Vogal de Voluntariado: Paco Bañobre
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
