O deputado do Partido Popular anticipouse na defensa dos dereitos dos consumidores
BALSEIRO AGRADECE QUE O PSOE APLAUDA A SÚA INICIATIVA EN DEFENSA DOS ABUSOS DAS ELÉCTRICAS E LAMENTA QUE OS SOCIALISTAS DA MARIÑA NON TEÑAN REXISTRADO INICIATIVAS SIMILARES NO PARLAMENTO
Atribúe o desinterese e a falta dunha iniciativa similar por parte do deputado socialista na comarca a liortas internas que fan que uns e outros representantes do PSOE nin tan sequera se falen entre eles.
Cervo, 10 de xaneiro de 2013.- O deputado popular e secretario do Parlamento galego, Jose Manuel Balseiro quixo agradecer hoxe que o PSOE remitira no día de onte un comunicado no que aplaudía a súa iniciativa parlamentaria en defensa dos abusos das compañías eléctricas. “Non é habitual que a oposición recoñeza positivamente o teu traballo e polo tanto, un traballo ben feito. E sobre todo, non é habitual que non teñan outro remedio que asumir e valorar que desde o PP témonos anticipado na defensa dos consumidores e usuarios que teñen problemas coas súas facturas eléctricas. Quero agradecer ese xesto.”-afirmou Balseiro
ENFRENTAMENTOS
O deputado popular sinala que ante a constancia dun importante número de queixas de particulares e empresas “unha actitude responsable foi informarse na Xunta sobre o camiño axeitado para realizar as reclamacións e presentar unha iniciativa parlamentaria sobre este asunto”. Balseiro lamentou eso si que o mesmo PSOE que por unha banda asegura que leva traballando neste tema, a pesar de ter un deputado autonómico nesta mesma comarca, non presentou iniciativas similares no Parlamento de Galicia, situación que atribúe a un evidente desinterese por este asunto e a liortas internas que fan que non se falen entre eles uns e outros represenattnes socialistas da Mariña lucense.
OFICINAS DE CONSUMO
O parlamentario popular volve a insistir na importancia de que calquera persoa, consumidor doméstico ou empresario que poida ter algún tipo de problema en relación coas súas facturas de electricidade acuda ás oficinas de consumo para recibir o asesoramento axeitado e, no seu caso, formular a correspondente reclamación. “Así tamén a administración terá constancia das problemáticas particulares que se están dando e adoptará as medidas precisar para corrixilas”.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
