COSME POMBO ALERTA DE QUE NINGÚN CONCELLO DA MARIÑA RECIBIRÁ AXUDA DA XUNTA PARA O SAF BÁSICO
Viveiro, 28 de xaneiro de 2013. O deputado do Bloque Nacionalista Galego (BNG) no Parlamento de Galiza, Cosme Pombo, e o responsábel comarcal da formación na Mariña, Antonio Veiga, alertaron, esta tarde, das consecuencias que están a ter os recortes que a Xunta de Galiza e o Goberno do Estado están aplicando nos servizos sociais e que están afectando, especialmente, aos concellos máis pequenos do rural lucense e que, ademais, corresponden coas localidades con maior avellantamento.
Pombo denunciou que “no tempo que leva o Partido Popular no poder, milleiros de maiores lucenses estiveron a piques de quedar desatendidos e desprotexidos; primeiro porque a Xunta deixou aos concellos de menos de 20.000 habitantes sen Servizo de Axuda no Fogar (SAF) básico e, segundo, porque o Ministerio de Sanidade, Servizos Sociais e Igualdade sumprimiu a súa cofinanciación ao Servizo de Teleasistencia Domiciliaira. Os populares pretenderon rematar con dous servizos vitais para milleiros de maiores que seguen a recibir atención grazas á responsabilidade e ás políticas da Vicepresidencia da Deputación Provincial, que asumiu a totalidade do investimento que require a Axuda no Fogar e artellou un convenio de colaboración con todos os concellos para garantir a Teleasistencia. A primeira das consecuencias deste modelo excluínte e clasista é que os concellos da Mariña, durante este ano 2013, non recibirán ningunha axuda económica da Xunta para o Servizo de Axuda no Fogar básico”.
“O modelo de servizos sociais de Feijóo e Rajoy -continuou o deputado galego- estase a demostrar ineficaz e ineficiente e contrario ao que o pobo precisa. O Partido Popular defende un modelo pensado para atender aos galegos e galegas das cidades e que teñen recursos para financiarse residencias, coidadores, próteses, ambulancias ou outros servizos. Dende o BNG seguiremos defendendo os servizos sociais públicos e de calidade fronte aos dirixentes populares que entenden os servizos sociais e a sanidade como una mercadoría e non como un dereito que, ademais, pode constituír un nicho de emprego que pode constituírse como unha vía que axude á recuperación económica e social do país”.
Dende o BNG insisten en que se están aplicando recortes a colectivos que precisan de coidados e atención especial. En Galiza existen máis de 25.000 persoas con dereito recoñecido á prestación da dependencia pero que aínda non reciben ningunha axuda; situándose esta lista de espera á cabeza do Estado. Neste senso, Antonio Veiga asegurou que “o Partido Popular está a ser o único culpábel de que os servizos sociais estean a desaparecer como terceiro alicerce do Estado de benestar”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
