Festa do Berberecho

21 Xaneiro, 2013

O PREGÓN DA FESTA DO BERBERECHO, E O CONCURSO DE CANTES DE TABERNA.

Ramón Fraga López.- Esta pasada fin de semana, celebrouse en Foz a “X Festa do berberecho”, a pesar de que a maldita “cicloxénises explosiva” non nos deixou desfrutala en todo o seu esplendor. O venres as 20,30h. no salón de actos da casa da cultura de Foz, deu comezo a festa co pregón, que nesta ocasión correu a cargo dos propietarios do Bar Chícaro, local da localidade, que cumpre en este 2013 nada máis e nada menos que medio século de vida, interrompido só nunha ocasión( e por pouco tempo) en que o local foi una tenda de roupa infantil.

José Ramón Villarino (Jamones para os amigos), e seu fillo Jorge Rodríguez (neto do fundador do bar, Jose Antonio “o Chícaro”, e o último chicariño, de momento), deleitaron o público asistente, que abarrotaba o salón de actos, con anécdotas e recordos, de un bar que é dos máis tradicionais de Foz, e que fixeron rir en varios momentos os escoitantes presentes. Dicir que en Foz o berberecho chámaselle de toda a vida chícaro de aí a invitación a pregoar esta festa os donos de tan mítico local focego.Dende aquí aproveito para reclamar para esta festa o nome de festa do chícaro, aínda que debaixo se poña berberecho para aqueles non saiban de que vai a cousa. O pregón rematou con un pequeno pero marabilloso repertorio musical do grupo” Escolma de Meus” de Viveiro, que coas súas magnificas interpretacións, fixeron a delicia de cantos alí nos xuntamos. Da gusto escoitar tan magnificas voces.

E falando de voces, esta X edición da festa do chícaro (berberecho), contou co primeiro concurso de cantes de taberna, que se celebrou nunha veintena de bares e restaurantes da localidade.Tres grupos (Mar Adentro, os Larpeiros e a Coral de Foz), deixaron escoitar os seus cantigos, entre viño e viño , e fixeron lembrar tempos alleos, cando os homes do mar focegos entonaban cancions mariñeiras e habaneras polos bares do pobo, e facían a ledicia de todos cantos os escoitabamos. Recuperar esta tradición sería un moi bo logro,esperando que se repita neste tipo de actos.

Ramón Fraga López