Outro triplete de vitorias dos equipos base do C.D.Foz. Magnífica novamente a xornada dos equipos inferiores do C.D.Foz que gañaron os seus tres encontros disputados.En INFANTIS os de Burunda golearon por 5-0 o Val do Ulla, nun encontro, no que se xugou só 50m., xa que o arbitro en acordo cos adestradores suspendeu o partido debido o lamentable estado do terreo de xogo propiciado pola coñecida ciclogenisis explosiva que nos visitou esta fin de semana.Iñaki(2), Fran Roi e Antón, foron os goleadores, de un equipo que está a realizar unha extraordinaria tempada na Liga Galega, sobre todo cando xoga de local.Os XUVENIS, tamén xogaron o sábado a maña no Municipal de Malates, ante a Pontenova, o que gañaron por un apretado 3-2.Os de Amarelo sufriron máis da conta para sacar adiante o partido debido o mal estado do terreo de xogo, anegado pola cantidade de choiba caida e que facía case imposible xogar o fútbol.Lois en dúas ocasións e Bouso foron os goleadores focegos.Con este resultado os focegos remataran a primeira volta de lideres a pesar de que descansan a vindeira xornada.E o domingo pola maña os CADETES de Oke desprazáronse a Lugo para xogar contra a Milagrosa, un equipo que aínda non sabia o que era perder no seu campo, pero que esta vez foron derrotados polos focegos por un claro 0-2. Asier e Gonzalo foron os autores dos goles.De extraordinaria, se pode calificar a tempada de este equipo que acaba a primeira volta con pleno de victorias.Quince encontros xogados e quince gañados, anotando 81 goles , só encaixando 13.Queda toda a segunda volta pero as pintas de este equipo son de equipo intratable na categoria.
ÚLTIMA HORA
- O Festival Bal y Gay regresa a Burela cun recital de tenor, soprano e piano no Auditorio
- A festa comeza no Campo da Veiga cun IX Torneo Maruxaina cheo de ambiente
- Lourenzá celebra unha nova tarde de lecer con Xogando á petanca dentro de Verán na Praza
- O fútbol feminino e masculino volven a Ribadeo co Emma Cuervo: Dépor–Sporting e Racing–Avilés
- A A.C. Pomba do Arco organiza o vindeiro xoves 13 de agosto, ás 20:30 horas, un acto público no salón de actos do Cenima de Foz dedicado á memoria da emigración mariñá
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade. - Seis pintores do Valadouro é a nova publicación do SEVA, un caderno dedicado á obra de seis artistas plásticos: Carmen Ossorio, Xosé Blanco, Arturo Mogo, Hipólito Xeada, Alaxe e Mar Vicente
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro. - Éxito de participación nas escolas deportivas de verán do Concello de Ribadeo
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”. - A conselleira de Vivenda e Planificación de Infraestruturas, María Martínez Allegue, acompañada polo delegado territorial da Xunta en Lugo, Alfonso Villares, mantivo este mércores unha reunión de traballo co alcalde de Xove, Demetrio Salgueiro
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica. - En Cervo Concilia xa están en Modo Maruxaina ON
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración. - Con motivo da celebración da Festa da Xuventude de Viveiro, será necesario realizar un corte temporal ao tráfico na Travesía da Mariña, entre a Praza de Lugo e a Porta de Carlos V
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición. - San Miguel de Reinante, en Barreiros, encherase de música, cor e tradición este sábado, 8 de agosto, co XLIII Festival Folclórico Internacional do Emigrante, declarado Festa de Interese Turístico
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
2021 Crónica 3 A Mariña - Implementado por GaliciaDigital