OLLO AO DATO!
Recuncho de Economía
Ollo ao dato!, repetía hai décadas pola noite nun exitoso programa radiofónico o locutor deportivo José María García.
Seis millóns de persoas desempregadas no Estado español! Este é o dato que ven de publicar en xaneiro EUROSTAT. Unha pedra máis no amilladoiro do “Estado do malestar” que comezou coas medidas de duro axuste aprobadas polo goberno de Zapatero en maio de 2010 (conxelación da moitas pensións, diminución salarial para as persoas que traballan nas administracións públicas,etc.).
Mariano Rajoy, que se encheu de predicar o maná que viría do ceo se saia elixido presidente do Goberno en 2011 pola grande confianza que ía supoñer para “os mercados financeiros internacionais”, afondou na política de drásticos recortes, facendo o contrario ao que levou como programa electoral. Subiu varios impostos (IVE, IRPF,eta.), incumpriu o seu reiterado compromiso de que as pensións seguirían subindo de acordo co IPC, desbaratou piares fundamentais do “Estado de benestar” (sanidade, ensino, servizos sociais…) e aprobou unha durísima reforma laboral que arrebatou dereitos sociais gañados en varias xeracións e facilitou o despedimento (abaratouse moito este e o desemprego sube:vaia novidade!) .
Máis e máis cartos públicos (da cidadanía, se entenden mellor) enterrados nun sector financeiro que segue a facer caixa e a botar das súas vivendas ás familias máis necesitadas ao abeiro cunha lei de hai máis dun século feita á medida da banca, que mesmo foi cuestionada xa desde instancias europeas.
Uns desafiuzamentos que medran e medras mentres segue a seca do creto; en tanto, o diñeiro público co que se agasallou aos bancos e Caixas non lle chegue aos empresarios e as familias, alguén pensa que se saír da recesión? Algúns “iluminados” sempre hai; tamén no goberno de Zapatero a ministra de economía viu “brotes verdes” hai xa uncuadrienio.
Seis millóns de persoas desempregadas! Seis millóns de traxedias persoais nun túnel no que nin se intúe a saída, mentres que altos dirixentes das Caixas se autoadxudicaron indemnizacións millonarias (en euros!) polo seu gran labor: afundilas!.
O seguidismo “marianista” das políticas ultraliberais que lle dicta a señora Merkel afondan máis e máis a capacidade de compra das familias, impedindo unha reactivación da demanda interna que acompañe ás nosas exportacións nun proceso de reanimación dunha economía que non dá saído da UCI.
Na última semana de xaneiro, o INE fará públicos os datos da Enquisa de poboación Activa (EPA). Será o momento de poder desagregar os datos entre as nacións e as rexións que compoñen o Estado español, por sexos, grupos de idade, etc.
Socorro!
Manuel Roca Cendán
O venres descubrirase a placa que oficializa o nomeamento da Biblioteca Municipal co seu nome, dentro da iniciativa “Miradas sobre Agustín 2026-2027”, que busca divulgar o legado do escritor e apoiar a súa candidatura ás Letras Galegas de 2028. O programa inclúe unha exposición, a lectura dun manifesto e unha conferencia. O sábado entregarase no Auditorio o IX Premio Agustín Fernández Paz de narrativa infantil e xuvenil pola Igualdade. Rouco destacou a importancia de visibilizar a figura do autor e convidou a veciñanza a participar nos actos.
As nenas e nenos coñeceron o proceso de moenda e levaron unha mostra de fariña. García destacou a importancia de achegar a realidade do rural á infancia e agradeceu a colaboración das granxas, ANPAS e centros educativos. O Muíño de Coea é unha das novas incorporacións a un programa que este ano inclúe 210 actividades e chega a máis de 6.000 escolares de 74 centros da provincia.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
