A Conselleira de Sanidade da a razón á Plataforma na Defensa da Sanidade Publica da Mariña cando denunciabamos a desaparición da Área Norte de Saúde coa aplicación do Decreto de Xestión Integrada en Lugo.
Acusan ao PP de mentir cando negaban a modificación do mapa sanitario que agora anuncia a Conselleira de Sanidade nun medio de comunicación da provincia asegurando que nesta lexislatura aplicarase o Decreto de Xestión Integrada en Lugo.
A mobilización social freou en 2010 as intencións da Xunta de desmantelar a área Sanitaria Norte coa aplicación do Decreto que vai en prexuízo dos pacientes coa perda de servizos ao abrir as portas á mobilidade do persoal sanitario e a centralización da xestión en Lugo.
A Mariña, 25 de xaneiro de 2012. A Plataforma na Defensa da Sanidade Pública da Mariña acusou ao PP de mentir en 2010 cando negaban a modificación do mapa sanitario de Galiza e a aplicación do Decreto de Xestión Integrada. Para a Plataforma as recentes declaracións da Conselleira de Sanidade, Rocío Mosquera, nas que anunciaba a aplicación do Decreto en Lugo na actual lexislatura non só dan a razón á Plataforma senón tamén descobren as mentiras dos representantes do PP na comarca.
A mobilización cidadá parou a aplicación do Decreto de Xestión Integrada en 2010 e volverá a ser necesaria para paralo na actualidade.
A mobilización da cidadanía obrigou en 2010 a parar as intencións da Consellaría de Sanidade de aplicar o Decreto de Xestión Integrada na Provincia de Lugo sacando á rúa milleiros de persoas conscientes de que este decreto suporía o desmantelamento da Área Sanitaria Norte coa perda de autonomía, mobilidade do persoal sanitario e progresiva perda de servizos e calidade sanitaria na comarca da Mariña da que dependen 14 concellos e mais de 70.000 persoas. Para a Plataforma as declaracións recentes da Conselleira de Sanidade “dan a razón ás alertas que faciamos en 2010 e volven facer necesaria unha contestación contundente para impedir as intencións do goberno galego”.
As mentiras dos representantes do PP na comarca saen á luz coas declaracións públicas da Conselleira e demostran que a Plataforma tiña razón cando alertaba da aplicación en Lugo do Decreto.
Segundo afirmou a Plataforma, “as mentiras dos representantes do PP na Comarca tiveron un recorrido de dous anos pero até aquí chegamos xa que é a propia Conselleira quen as destapa”, e engadiron que “cando o PP dicía que o Decreto de Xestión Integrada non chegaría a Lugo mentían, igual que mentían e seguen mentindo cada vez que anuncian ampliacións no Hospital da Costa colapsado dende fai anos”. E evidente, afirmaron, “que as nosas denuncias non estaban erradas, adiantábanse a unha situación que agora a Conselleira ven a confirmar” .
Os recortes orzamentarios 2013 en asistencia primaria e especializada son un avance da folla de ruta que o PP xa está aplicando noutras comunidades.
Dende a Plataforma denunciaron que os recortes no gasto corrente no Hospital da Costa en mais de dous millóns de euros e en 12,7 en asistencia primaria na provincia “son un avance das intencións do PP de aplicar en Galiza a mesma folla de ruta que o mesmo partido está executando en comunidades como Madrid ou Castela A Mancha coa privatización de servizos sanitarios, peches selectivos de centros de saúde e recortes de persoal sanitario” . A Plataforma vinculou os recortes orzamentarios para 2013 ao progresivo desmantelamento da calidade asistencial na sanidade pública executado polo goberno de Núñez Feijoo, que pola contra non deixa de derivar pacientes á sanidade privada á que se destinan cuantiosos recursos económicos.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
