Dende o Grupo Municipal do PSdeG-PSOE de Foz, como grupo maioritario da oposición, coa fin de asumir a nosa responsabilidade como tal, instamos ao Alcalde e ao Equipo de goberno focense a apoiar a nosa proposta de ubicación da nova EDAR en Forxán.
O noso Grupo é consciente da urxencia en dar solución ao problema existente na actualidade en Foz, debido á insuficiencia de capacidade da Depuradora ubicada no Porto, o que ocasiona a conseguinte contaminación da nosa ría, así coma certos cheiros de maneira ocasional.
Así mesmo, nos consta a necesidade de retirar a Depuradora actual do núcleo urbano, debido á proximidade de esta con numerosas vivendas, e ás conseguintes molestias que dito feito está a ocasionar aos veciños debido ao seu deficiente funcionamento.
Trala reunión mantida nos pasados días entre os portavoces políticos dos distintos grupos da Corporación focense co Director de Augas de Galicia, o noso Grupo segue considerando que a mellor opción é a de ubicar a EDAR en Forxán, tal e como se defendeu polo anterior Goberno municipal, pois se ben os técnicos afirman que o impacto paisaxístico e visual da ubicación en Sarrido é minimamente menor, nos parece que este criterio é demasiado subxectivo como para servir de argumento para concluír que a alternativa de Sarrido é a mellor opción, e discrepamos totalmente de dito criterio, debido á proximidade de varias vivendas nesta zona.
Ademais, queremos reiterar unha vez máis que a parroquia de Fazouro xa dispón dunha EDAR propia nas proximidades da zona de Sarrido, Depuradora que conta con capacidade máis que suficiente para atender as necesidades dos seus veciños e que ten por diante varios anos de vida útil, polo que a opción de suprimila suporía un derroche que non podemos permitirnos nos tempos que corren.
Polo exposto, dende o Grupo Municipal Socialista de Foz instamos ao Alcalde e ao Equipo de Goberno a que apoien a nosa proposta de ubicar a EDAR en Forxán, coa finalidade de dar solución sen máis demora aos problemas existentes debido á insuficiencia de capacidade da Depuradora actual, e solicitamos que se axilicen os trámites para a construción da nova EDAR, pois esta xa debería terse iniciado no ano 2008, cando a Xunta paralizou o proxecto anterior sen dar explicacións, pese a estar moi avanzado.
En definitiva, os concelleiros do Grupo Municipal do PSdeG-PSOE de Foz, como grupo maioritario da oposición, asumimos a nosa responsabilidade e defendemos a opción de ubicar a nova EDAR en Forxán, tendo en conta que nunha instalación ben explotada non teñen porque producirse molestias para os veciños, aproveitando para recordarlle ao Sr. Castiñeira que o consenso político non consiste en tratar de impoñer aos demáis grupos a súa postura, e instándoo a apoiar a nosa proposta na procura dunha áxil solución.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
