Cervo, 9 de marzo de 2013-O Concello de Cervo quixo lembrar hoxe que a sección sobre asuntos eléctricos, situada na oficina ao consumidor de Cervo, segue aberta na Casa Consistorial. Unha sección específica na que se resolven todas as dúbidas dos cervenses en relación aos problemas coas compañías eléctricas e se tramitan as reclamacións dos usuarios que así o demandan. Un servizo público que se habilitou o pasado mes de outubro de 2012 e que xurdiu a raíz dunha reunión convocada polo Concello para axudar aos consumidores que tivesen conflitos coas eléctricas.
Dende entón e ata o día de hoxe, medio ano despois, pasaron por esta oficina específica cinco usuarios que presentaron un total sete reclamacións por distintas deficiencias, das cales o 90% foron solucionadas satisfactoriamente mentres o resto está en proceso de tramitación. “Atendemos a estas demandas porque foron as que recibimos nesta oficina, pero temos capacidade para tramitar todas as que precisen presentar os veciños” explica a edil.
Pedreira explicou que “durante a reunión organizada no mes de outubro polo Concello, coñecemos de preto a problemática que existía ao redor das eléctricas e ofrecemos a posibilidade de habilitar esta sección eléctrica na oficina ao consumidor de Cervo, unha iniciativa que foi ben acollida polo público asistente”. Así, ao día seguinte tras aquela xuntanza, “puxemos ao dispor dos usuarios esta sección de asesoramento eléctrico” engade Pedreira.
A edil quere deixar moi claro que se trata dun “servizo público que só busca o ben común axudando á veciñanza que se atopa indefensa ante as eléctricas”. Así, para Pedreira é moi importante que os consumidores que precisen asesoramento recorran a esta sección financiada con fondos municipais: “Estamos ofrecendo un servizo asumido con cartos públicos e, para aproveitar eses fondos, é indispensable que toda a cidadanía afectada acuda a esta oficina, creada para axudar aos consumidores e defender os seus dereitos”.
Ao mesmo tempo, a delegada de Facenda recoméndalle á cidadanía que “desconfíe dalgún membro dalgunha entidade que, baixo a máscara da defensa dos consumidores agocha os seus intereses privados, económicos e laborais”. Pedreira considera que “a forma máis segura de reclamar uns dereitos e de obter asesoramento imparcial é acudindo ás administracións públicas que ofrezan esa posibilidade, como é o Caso do Concello de Cervo”.
Para rematar, a edil convida a todos os cervenses que teñan problemas coas compañías eléctricas a “que se acheguen ata a Casa Consistorial, onde os atenderá persoal do Concello con coñecementos nesta materia e que está en contacto permanente coa Consellería de Industria para resolver o máis eficaz e axilmente posible as súas dúbidas ou demandas”.
O venres descubrirase a placa que oficializa o nomeamento da Biblioteca Municipal co seu nome, dentro da iniciativa “Miradas sobre Agustín 2026-2027”, que busca divulgar o legado do escritor e apoiar a súa candidatura ás Letras Galegas de 2028. O programa inclúe unha exposición, a lectura dun manifesto e unha conferencia. O sábado entregarase no Auditorio o IX Premio Agustín Fernández Paz de narrativa infantil e xuvenil pola Igualdade. Rouco destacou a importancia de visibilizar a figura do autor e convidou a veciñanza a participar nos actos.
As nenas e nenos coñeceron o proceso de moenda e levaron unha mostra de fariña. García destacou a importancia de achegar a realidade do rural á infancia e agradeceu a colaboración das granxas, ANPAS e centros educativos. O Muíño de Coea é unha das novas incorporacións a un programa que este ano inclúe 210 actividades e chega a máis de 6.000 escolares de 74 centros da provincia.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
