Lourenzá, 29 de maio de 2013. A praza do Conde Santo acollerá o vindeiro martes, día 4 de xuño, unha sesión de contacontos a cargo de Mau e Pin, que son os autores da colección de libros Polo correo do vento. Anunciouno hoxe a concelleira de Cultura en Lourenzá, Lupe Flórez Seivane, quen tamén de a coñecer os premios do concurso escolar de fotografía para conmemorar o Día do Medio Ambiente. Son unha bicicleta, un patinete, unha cámara de fotos dixital e un libro electrónico.
Lupe Flórez explicou que “dentro dos actos que enmarcamos na Semana do Medio Ambiente, que inclúen unha serie de eventos destinados á poboación de tódalas idades, dende os máis pequenos do concello ata os adultos, vimos de presentar un contacontos que leva por título Violeta, a carteira bolboreta. É unha actividade que se enmarca dentro do programa Ler conta moito, da Xunta de Galicia, que nos chega á biblioteca municipal a través da Consellería de Cultura”.
A concelleira de Cultura engadiu que “os autores da colección Polo correo do vento preséntannos nesta ocasión unha actividade enfocada basicamente ao respecto cara ao medio ambiente, así como ao coñecemento das fragas e a flora e fauna das mesmas por parte dos nenos máis pequenos. Esta actividade vaise desenvolver o vindeiro 4 de xuño e levarase a cabo durante a mañá dese día enfocada de cara aos escolares do colexio Juan Rey, de Lourenzá, que xa están avisados para asistir cos seus correspondentes titores. Se fai bo tempo desenvolverémola no Cantón, na Praza do Conde Santo, pero tendo en conta as condicións meteorolóxicas destes días está previsto que se non puidera facerse ao aire libre levarase a cabo no pavillón do colexio”.
Ademais Lupe Flórez lembrou que a Semana do Medio Ambiente en Lourenzá “dará comezo este vindeiro sábado a partir das 10 da mañá cunha xornada de voluntariado de limpeza dos nosos ríos, concretamente o Baos e o Masma. Está pensado para que toda aquela xente que queira botar unha man para manter os nosos ríos limpos se achegue e colaboremos todos xuntos. É bastante importante que se anoten chamando ao número de teléfono 982.12.10.06, das oficinas municipais, para poder contar con material para todos os voluntarios que se acheguen ese día a botar unha man”.
Dentro dos actos que conmemoran en Lourenzá a Semana do Medio Ambiente este vindeiro sábado, día 1 de xuño, remata o prazo de presentación dos traballos para o concurso escolar de fotografía sobre a natureza na Mariña de Lugo. E hoxe a concelleira de Cultura deu a coñecer os premios: “para Primaria o primeiro consistirá nunha bicicleta e o segundo será un patinete; e no caso das categorías para ESO e Bacharelato o primeiro de cada unha delas levará unha cámara de fotos dixital e os segundos premios consistirán nun ebook (libro electrónico)”. Flórez anima “a todos aqueles nenos que aínda estean pensando en presentarse a que participen cos seus traballos”.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
