O Concello de Xove prepara o programa “Verán 2013 Xuventude”

Acaba de presentarse o Programa “Verán 2013 Xuventude” no Concello de Xove no que se recollen multitude de actividades para desenvolver nos vindeiros meses.

Á fronte deste programa está a Concellería de Sanidade, Servizos Sociais, Xuventude, Muller e Igualdade, participando no mesmo a Oficina Municipal de Información Xuvenil (OMIX), a Delegación de Xuventude e o Laboratorio de Investigación Social do Concello.

Dentro das actividades englobadas no programa que está sendo enviado a todos os fogares do municipio haberá rutas ao Santuario de San Antonio de A Rigueira. O 13 de xuño celébrase esta romaría e póñense a disposición dos camiñantes 8 rutas sinalizadas ata a capela. Segundo a parroquia que cadaquén elixa para iniciar a Romaría, haberá un horario de saída. Para facer un control da romaxe, cada Romeiro disporá dun carné de romaxe personalizado que lle ha servir para gañar a VENTURA (insignia de Romeiro) e do LIRIO DE SAN ANTONIO. Para unha maior información, dirixirse ao Laboratorio de Investigación Social do Concello ou no email lucia@xove.es. Tódolos que desexen inscribirse previamente, poden facelo no Concello antes do 12 de xuño.

Ademais desta actividade, o programa comprende moitas outras, incluíndo varias novidades con respecto ao pasado ano:

Xuño:
-Un das novidades será a celebración os días 18, 20, 25 e 27 de xuño do obradoiro “A SEXUALIDADE PARA ADOLESCENTES” dirixido a mozos e mozas de 12 a 16 anos. A inscrición será na OMIX antes do 15 de xuño.

-Sábado 22.- Segundo TORNEO DE Wii, para participantes de 12 anos en diante. Inscrición ata o 20 de xuño.

Xullo:
-“ENCONTROS PARA A SAÚDE: TALLER DE MEMORIA”. Vaise desenvolver no mes de xullo. Inscrición ata o 28 de xuño xunto de Angélica (Educadora Familiar) ou ben na OMIX. Actividade do Departamento de Educación Familiar.

-Do 2 ao 27.- CURSOS DE INFORMÁTICA para nenos e nenas de idades de 6 a 12 anos.
-Mércores 10.- PAINT BALL para rapaces e rapazas de 12 a 18 anos.
-Sábado 20.- VIAXE A CERCEDA, para rapaces e rapazas de 13 a 35 anos.
-Sábado, 27 de xullo.- PAINT BALL para maiores de 18 anos.
O prazo para inscribirse nestas actividades (informática, paint ball e viaxe a Cerceda) rematará 7 días antes do día de comezo de cada actividade.

Xullo e agosto:
Durante estes dous meses desenvolveranse as MAÑÁNS ACTIVAS DE VERÁN, dirixidas a mozos e mozas de entre 10 e 16 anos. O programa vaise desenvolver os martes (mnemotecnica, informática e convivencia), mércores (manualidade, corresponsabilidade e actividades na natureza) e os xoves (reciclaxe, fotografía e informática). Este programa é a primeira vez que se fai, polo que se trata dunha novidade do programa deste ano. Información e inscrición na OMIX ou ben no teléfono 982 571 816.

Agosto:
-Venres 2 e sábado 3.- CAMPAMENTO para nenos e nenas e rapaces e rapazas de 10 a 16 anos. Inscrición ata o 27 de xullo.

-Sábado 31 de agosto.- DÍA DA XUVENTUDE. Durante o día, actividades na OMIX. A partires das 22:00 horas, NOITEXOVE, con festa rachada para despedir o verán.

Setembro:
-VIAXE AO KARTÓDROMO DE TAPIA. A data para esta actividade inda está por confirmar, pero precísanse un mínimo de 20 persoas para levala a cabo. A actividade diríxse a mozos e mozas de 16 a 35 anos e o período de inscrición remata o 26 de agosto.