Ribadeo, 22 de xaneiro de 2014. El Rincón del Gordo, Bora Bora, Glass, Guidán Delicatesen y Bodegas Ribeirao son os establecementos gañadores do concurso de escaparates de Nadal que organizou un ano máis a Asociación de Comerciantes, Industriais, Servizos e Autónomos de Ribadeo.
Un xurado formado por membros da xunta directiva de ACISA e expertos en decoración de Nadal reuníronse nos últimos días para visitar e valorar a calidade e a orixinalidade dos escaparates que decidiron participar no concurso. O primeiro premio é para El Rincón del Gordo, o segundo para Bora Bora, o terceiro para Glass, o cuarto para Guidán Delicatesen e o quinto para Bodegas Ribeirao. Os premios que recoñecerán o seu traballo seránlles entregados na Gala do Comercio que ACISA prepara para o vindeiro mes de marzo.
A xunta directiva de ACISA ultima tamén estes días os detalles das súas dúas vindeiras campañas: San Valentín e o día do pai. Ademais está á espera de pechar e confirmar outra importante campaña promocional para o mes de marzo. Todos estes asuntos e outros máis centrarán a asamblea xeral de ACISA prevista para febreiro.
Dende ACISA recordan que seguen buscando aos outros dous gañadores da campaña de Nadal na que en total puxo en xogo 7.000 euros en vales de compra. O primeiro premio, dotado con 4.000 euros en vales de compra, foi para unha veciña de Ribadeo, Josefina Díaz Folgueira, que recibiu a papeleta cuxos números coincidiron co primeiro premio da Lotería do Niño, o 76.524, en Droguería-Decoración Pulpeiro, situada na rúa Viejo Pancho, 2.
O segundo premio foi o 69.362, polo que a rifa que conteña ditos números resultará agraciada con 2.000 euros en vales de compra; e o terceiro premio foi o 08.347 que premiará con 1.000 euros en vales de compra para gastar no comercio asociado a aquela papeleta que coincida con este número. A rifa do segundo premio entregouse en Glass e a do terceiro foi repartida por Tourline Express.
Os gañadores deberán presentar as papeletas premiadas nas oficinas de Acisa Ribadeo antes das 20 horas do día 7 de febreiro de 2014. Despois desa data será cando se faga entrega dos premios aos afortunados e afortunadas da campaña de Nadal da Asociación de Comerciantes, Industriais, Servizos e Autónomos.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
