Burela, a 2 de febreiro de 2014. O temporal da noite deste sábado en Burela causou danos que segundo o alcalde, José Mª González Barcia, “puideron ser bastante máis tendo en conta o estado do mar”.
O rexedor percorreu este domingo pola mañá o porto burelés, acompañado do patrón maior da confraría, Basilio Otero, e os paseos marítimos da Marosa e O Cantiño. No porto, segundo o alcalde, “os danos son menores, un pantalán avariado e un par de botes afundidos, aínda que un puido ser posto a flote e subido ó peirao; cabos e estachas que saltaron e sobre de todo moito susto e temor na xente do mar, que estivo toda a noite nas embarcacións para facer o que fose preciso para salvalas en caso de que fose necesario. Por sorte, e a falta de facer un balance exhaustivo e un repaso da estrutura portuaria por parte de técnicos de Portos de Galicia, os danos non entranan excesiva preocupación; de feito, o pantalán será arranxado de inmediato na vindeira semana”.
No tocante ós paseos marítimos, o alcalde afirmou que “no do Cantiño, hai elementos construtivos desprendidos e sobre de todo moita vexetación e restos de terra e rochas no tramo do paseo no propio entorno da urbanización; tamén hai pequenos danos en dous peches de dúas casas”.
No tocante ó paseo marítimo da Marosa, hai tramos nos que a parte superior do muro do paseo foi arrancada, pero sobre todo destaca “o barrido que o mar fixo no aparcadoiro traseiro do campo de fútbol da Marosa: levou o muro do paseo, os bancos, etc, aínda que isto non é a primeira vez que pasa”, indicou González Barcia.
O alcalde burelés manifestou que tanto Portos de Galicia como Costas do Estado xa están avisados do acontecido e que nos próximos días comezarán as actuacións máis inmediatas para arranxar os danos: “a nosa preocupación fundamental é o porto; o dos paseos xa se irá arranxando pouco a pouco”. González Barcia afirmou que persoal municipal hoxe mesmo xa está levando a cabo traballos para retirar certos materiais e que se colaborará coas administracións competentes para solucionar os desperfectos causados polo temporal”.
Ata esta hora da tarde non se teñen producido máis incidencias no concello de Burela.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
