A Mariña, 6 de febreiro de 2014. O Bloque Nacionalista Galego denunciou na xornada deste xoves os graves prexuízos que para o conxunto do complexo pesqueiro da Mariña representan os criterios de reparto das especies peláxicas (principalmente o corriolo e a xarda ) feito na negociación encabezada polo Ministerio e que significa unha nova discriminación para Galiza xa que a pesar de contar con máis da metade das embarcacións do Estado que se dedican ao cerco só dispoñen do 24,8 da cota de xarda.
As ínfimas cotas de pesca poñen en perigo en perigo o sector extractivo e de transformación na comarca
A Portavoz Comarcal do BNG na Mariña, Ana Ermida, indicou que “a día de hoxe son sete as embarcacións da comarca que usan a arte do cerco, sete embarcacións que ocupan de xeito directo 79 persoas, porén hai que ter en conta que a práctica totalidade do sector transformador pesqueiro da Mariña está vinculado á transformación da xarda e do corriolo, actividade que na temporada alta da pesquería chega a ocupar a preto de 500 persoas, nas plantas que operan en San Cibrao e Foz, e que xa o ano pasado polas restricións que se teñen impostas, naquela altura pola Unión Europea, viron como a actividade se reducía. Ou somos quen de determinar uns novos criterios de reparto das cotas da xarda ou do corriolo, ou estamos asinando a morte do sector do cerco na Mariña e poñendo contra as cordas ao sector da transformación que está ligado a parte das especies que capturan os cerqueiros”.
Unha pesquería con moi bo resultado económico para o sector extractivo e da transformación
“Chove sobre mollado neste tema posto que o ano pasado xa houbo que paralizar a campaña no medio da temporada e non precisamente por falta de peixe “ afirmou Ermida quen lembrou que “as embarcacións que andan ao cerco xa compiten en desigualdade de condicións con outras artes nunha pesca que se demostrou particularmente rendíbel porén aquí temos un problema engadido pola alta dependencia que da xarda e do corriolo ten o sector de transformación, que non só ocupa man de obra intensivamente senón que xera unha alta produtividade posto que as especies das que falamos destínanse na súa práctica totalidade ao comercio exterior, chegando a mercados como os balcánicos, os do leste de Europa e aos estados do Golfo e do norte de África. Non deixa de ser curioso que os problemas para a pesca galega e tamén para o sector,- fomos nos quen puxemos en valor estas especies no mercado-, “comezaran no momento en que os Estados do norte da UE se decataran desta valorización”.
A comarca á cabeza nas lonxas galegas na captura en fresco que precisa afianzar o sector da transformación
Ana Ermida quen volveu a sinalar que “A Mariña con 112,979 millóns de Euros seguiu en 2013 á cabeza no referido á venda do peixe fresco no conxunto das lonxas galegas, mesmo por riba de Vigo, precisa afianzar un sector de transformación, sector de transformación que de facto en réxime de monopolio se vincula as especies que primeiro a Unión Europea e agora o Estado español e a Xunta de Galiza regalou a outros territorios nunha negociación que mereceu o rexeitamento practicamente unánime do sector do cerco en Galiza, sector que se atopa amarrado nun 90% e que xa ven de pedir a dimisión da propia Conselleira de pesca e Medio Rural que deu por bo o reparto, ou o que é o mesmo, avalou por acción unha nova venda de Galiza. A Mariña precisa fechar o ciclo do complexo pesqueiro e iso a día de hoxe pasa polas posibilidades de poder sacar réditos en especies como a xarda e o corriolo”.
Autodidacta e antiga ilustradora científica, destaca pola cor e pola representación da figura feminina, que lle valeu o nome de “a pintora das mulleres”. A crítica salienta o seu estilo entre o cómic e o surrealismo e a forza expresiva das súas figuras. Conta con máis de 40 exposicións individuais, numerosas colectivas e unha traxectoria internacional recoñecida.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
