Os catro concelleiros do grupo municipal do PSdeG PSOE de Foz, Ramón Sixto Legaspi, Enrique Cotarelo García, Ana Villarino Alonso e Manuel Casabella Otero tomaron “de xeito unánime a decisión irrevocable de cursar a baixa no Partido Socialista e de pasarnos como concelleiros non adscritos a ningún partido político este vindeiro mércores despois de preparar a documentación necesaria para facer efectivo este trámite.
“Tomamos esta decisión despois de que fose aceptada e tramitada por parte da Executiva Local de Foz e sen ningún tipo de reparo a solicitude de alta novamente no PSOE de Foz do tránsfuga Xaime Cancio, con un currículo repleto de idas e vidas en distintas formacións políticas (PP, CNG, PSOE, UNIFOZ e novamente no PSOE, con varios ceses incluídos en distintas delegacións), recordando que estes últimos catro anos formou un partido político para ir en contra do Partido Socialista de Foz e do anterior alcalde; non chegándolle con esto, permitiu un goberno de dereitas no Concello de Foz”.
“Queremos deixar ben claro que non podemos seguir formando parte deste grupo político cando este tránsfuga vai estar como concelleiro independente afiliado ao Partido Socialista nesta mesma corporación municipal”.
Por todo isto, “pedimos a dimisión desta persoa da corporación municipal por non ser digno de representar aos veciños cando ven de dimitir dun partido político, pasarse ao grupo mixto e afiliarse a outro partido. Estamos a ser testemuñas do esperpento político máis grande da historia de Foz, por non dicir de todo Galicia ou incluso de todo o país”.
A maiores, engaden que “nos sentimos totalmente traizonados, ninguneados e humillados por parte de tódolos órganos de dirección do Partido Socialista dende a Executiva Local, dende a Provincial co señor Santín á cabeza e polo propio Secretario Xeral Galego Xosé Ramón Gómez Besteiro”. Dende o comezo desta lexislatura non tivemos nin o máis mínimo apoio deste partido cando o único mal que fixemos foi formar parte da lista do PSOE nas anteriores eleccións municipais”.
Aínda así, aseguran que “estes catro concelleiros vamos a seguir traballando polos intereses dos nosos veciños ata o último día da lexislatura como viñemos facendo ata o de agora, faremos unha oposición de control e construtiva, con miras cara as próximas eleccións”.
Finalmente engaden que “nos sentimos apoiados nesta decisión por moitos votantes e militantes que se senten defraudados cos dirixentes actuais do Partido Socialista, sendo para todos un día moi triste por ter que tomar esta decisión forzados por todas estas circunstancias. Estamos convencidos de que vivimos un momento onde sobran políticos e faltan persoas”.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
