Lugo, 26 de setembro de 2014. O vicepresidente da Deputación, o nacionalista Antonio Veiga, aproveitou a rolda de prensa posterior á Xunta de Goberno dos venres para “saudar” a dimisión de Alberto Ruíz Gallardón como ministro de Xustiza e para pedirlle ao seu substituto, Rafael Catalá Polo, “que igual que o Goberno deu marcha atrás na reforma da Lei do Aborto, retire tamén o Anteproxecto de Reforma da Lei do Poder Xudicial e manteña todos os xulgados existentes actualmente na provincia de Lugo”.
Veiga lembrou que o Pleno da Deputación Provincial de Lugo aprobou por unanimidade o 28 de maio de 2013 unha moción presentada polo BNG, na que se instaba ao Goberno do Estado a retirar a proposta de modificación da Demarcación de Planta para establecer un único partido xudicial por provincia, o que suporía a eliminación das unidades xudiciais das comarcas e a concentración do servizos xudiciais nas capitais de provincia.
“De aprobarse a proposta que deixou sobre a mesa o ministro Gallardón, a reforma suporía un agravio para os concellos do rural lucense, posto que desaparecerían os partidos xudiciais de A Fonsagrada, Becerreá, Sarria, Chantada, Monforte, Mondoñedo, Vilalba e Viveiro, obrigando aos cidadáns a desprazarse a Lugo para poder empregar estes servizos públicos, co consecuente trastorno persoal, familiar, laboral e económico que iso supón”, denunciou o vicepresidente da institución provincial. Ademais, esta medida “incidiría no colapso que xa sofre na actualidade a administración de xustiza e que está a supor unha merma na atención aos cidadáns e un recorte nos seus dereitos”, afirmou Antonio Veiga.
Non está garantido que se manteñan os xulgados da provincia de Lugo
A Xunta presentou alegacións no pasado mes de xullo ao anteproxecto do Goberno e reclamou que a reforma de la Ley Orgánica do Poder Xudicial teña en conta as particularidades de Galiza e que se manteñan tribunais de instancia nas cidades de Vigo, Santiago de Compostela e Ferrol, ademais dos que a nova norma contempla para as capitais de provincia, Ourense, Pontevedra, A Coruña e Lugo, e o xa ex ministro Gallardón anunciou, xunto a Feijóo e a Alfonso Rueda o pasado 31 de xullo en Compostela que se manterían os Xulgados de Vigo, Ferrol e Santiago, “pero o resto de Xulgados galegos non están garantidos”, advertíu Veiga.
“Así que pedímoslle tamén a Feijóo e a Rueda que defendan diante do Goberno central e do Consello Xeral do Poder Xudicial os xulgados da provincia de Lugo, igual que defenderon o mantemento dos de Ferrol, Santiago e Vigo, porque Galiza non só é o Eixo Atlántico, Lugo e Ourense tamén existen”, demandou. “Pedimos que se teñan en conta os criterios de distribución poboacional e a necesidade de proximidade, que xa prevaleceron na última reforma, a de 1987, e se manteñan polo tanto todos os xulgados existentes na provincia de Lugo, os de A Fonsagrada, Becerreá, Sarria, Chantada, Monforte, Mondoñedo, Vilalba e Viveiro, ademais do de Lugo”, reiterou.
Ofensiva recentralizadora
Esta proposta de reforma xudicial enmárcase na “ofensiva recentralizadora” emprendida polos executivos central e galego con medidas que camiñan cara a recentralización do Estado; tanto no senso de prestación de servizos públicos como de toma de decisións, indicou Antonio Veiga, que afirmou que “o PP emprendeu unha reorganización e centralización dos servizos que teñen a capital da provincia como único referente territorial para localizar e prestar estes servizos públicos fundamentais, en detrimento dos concellos cabeceira de comarca”.
“A ninguén se lle escapa que cada unha das reformas que vén impulsando o PP a través do Goberno do Estado e a Xunta de Galiza responde a unha estratexia consciente de desmantelamento dos servizos públicos do rural e a supresión de dereitos básicos para a súa veciñanza”, denunciou o vicepresidente da Deputación lucense, provincia rural, polo tanto, “gravemente prexudicada por estas medidas”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
