A CIG Saúde A Mariña quere denunciar publicamente as deficiencias estruturais na obra recentemente inauguradas para o Hospital de Día Oncolóxico, unhas obras feitas ás présas, que obedecen máis a criterios político-electorais que a criterios sanitarios e de eficacia asistencial.
Nos hospitais a ventilación ten que cubrir as necesidades clínicas e proporcionar as condicións hixiénicas e ambientais adecuadas para protexer ós doentes e ós profesionais. A ventilación é unha medida de protección colectiva que permite eliminar ou reducir o contido de contaminantes que poden estar presentes no ambiente.
Unha sala de tratamento oncolóxico “ten que dispor da renovación de aire estipulada, tratamento de filtraxe do aire externo e tratamento térmico para que as condicións do ambiente dentro da sala se atopen nunha temperatura agradábel tendo en conta, que moitos dos usuarios están coas defensas baixas e pasan varias horas de estancia”, afirman.
No caso da sala de tratamento oncolóxico, na que o SERGAS afirmou investir 242.000 euros, a instalación consta de:
– Unha renovación de aire con impulsión de aire externo e extracción do aire do interior. O aire da impulsión molesta ós doentes e ó persoal por ter demasiado caudal e polo uso de rexillas para extracción en vez de difusores de impulsión.
– O aire externo non ten ningún tipo de filtraxe, sendo aspirado directamente da rúa.
– Para quentar o aire externo ten unas resistencias que son insuficientes para o caudal e a temperatura do aire que entra.
– Hai dous radiadores na sala de tratamento. Na consulta e no baño non hai nada para quentar o aire.
– A instalación non ten previsto o tratamento do aire cando as temperaturas de ambiente sexan altas.
– A extracción saca o aire na zona de tránsito de entrada a rehabilitación.
ESPAZO REDUCIDO E FRÍO
Os/as poucos/as pacientes enfermos/as de cancro que comezaron a recibir os seus tratamentos de quimioterapia no Hospital da Costa, en Burela, manifestaron hoxe o seu malestar pola calidade das instalacións, que presentan espazos reducidos e un sistema de aire non axeitado. Isto está a provocar que moitos doentes teñan que recibir o seu tratamento abrigados con mantas e forros polares debido ao frío que padecen nas instalacións ao non ter un sistema de renovación de aire axeitado.
IMPROVISACIÓN ELECTORAL
O sindicato nacionalista denuncia a sensación de improvisación, desorganización e desprezo aos doentes e cara o persoal sanitario que vai atender o servizo, para poñer nun primeiro plano os anuncios electoralistas en favor do lucimento persoal e político de determinados dirixentes do Partido Popular na comarca.
Dende CIG Saúde A Mariña esixen que se leven a cabo as accións necesarias para corrixir estas deficiencias estruturais e poder garantir o confort e a calidade asistencial ás doentes e doentes de cancro na comarca da Mariña.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
