Ribadeo, 10 de febreiro de 2015. A Concellaría de Igualdade organiza un taller de harmonización corporal para mulleres, que se desenvolverá durante os meses de marzo e de abril na sala Sonda Norte da Casa da Xuventude. As prazas son limitadas. A inscrición ábrese hoxe no CIM. A actividade está dirixida a todas as mulleres que sufran algún tipo de dor: de espalda, de cuello, de ombros; a aquelas que padezan fibromialxia, incontinencia urinaria de orixe muscular e ás que desenvolvan unha vida sedentaria ou con actividades profesionais que conleven unha mala hixiene postural.
Segundo explica a edil Mariluz Álvarez Lastra “o taller será impartido pola fisioterapeuta colexiada e experta en cadeas musculares e ximnasia abdominal hipopresiva Sandra Saavedra Blanco. O taller de columna consta dun total de 8 sesións de 50 minutos cada a unha. Nestas sesións traballarase a corrección postural de cabeza, ombros e pelve, que xunto coa eliminación de barreiras articulares e posturales contribúe a unha boa hixiene da columna”.
A concelleira nacionalista indicou que “esta actividade vai dirixida a todas as mulleres que sufran algún tipo de dor: de espalda, cuello, ombros… Aínda que os grupos de poboación que máis se benefician deste tipo específico de taller son: persoas con fibromialxia, persoas con incontinencia urinaria de orixe muscular, persoas sedentarias ou con actividades profesionais que conleven unha mala hixiene postural. Tamén está indicado para mulleres no postparto (a partir da semana 12) ou para persoas diagnosticadas de calquera tipo de dexeneración discal”.
Todas aquelas persoas interesadas en participar nestes talleres poden coñecer de primeira man os beneficios desta actividade na sesión demostrativa e gratuíta que terá lugar o 20 de febreiro na Sala Sonda Norte da Casa da Xuventude de Ribadeo. Haberá dúas sesión gratuítas unha en horario de mañá, ás 10.30 horas e outra pola tarde, ás 18.00 horas. Recomendase acudir con roupa cómoda e calcetíns antideslizantes.
O prazo de pre inscrición para estes talleres dependentes do Centro de Información a Muller do Concello de Ribadeo, estará aberto dende o este martes, 10 de febreiro. As prazas son limitadas a un máximo de 12 alumnas por grupo, polo que se procederá á matricula por rigoroso orde de pre inscrición. Haberá dous grupos con dous horarios distintos: os martes de 18.00 a 19.00 horas e os venres de 10.30 a 11.30 horas. O taller de harmonización corporal dará comezo para un dos grupos o 3 de marzo e para o outro o 6 de marzo.
As interesadas poden recibir máis información sobre o taller ou facer os seus trámites de matrícula nas oficinas do CIM de Ribadeo, situadas no Auditorio Hernán Naval, rúa Buenos Aires, 14, e nos seguintes números de teléfono 982 120 739 e 982 120 808.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
