Como cada ano, o 2 de febreiro conmemórase o Día mundial dos Humidais. É unha data na que se poñen en primeiro plano estes ecosistemas e os problemas en canto ó seu uso e conservación.
Con este motivo, o vindeiro sábado 7 de febreiro MareMasma organiza unha Ruta de Natureza, interpretación e avistamento de aves na Ría de Foz. “Unha xornada na que colaboramos con varias organizacións e colectivos locais co fin de achegar ó público xeral a coñecer a gran biodiversidade de fauna e flora de Ríaa de Foz nunha xornada ó aire libre”, asegura Carlos Gil.
O estiario alberga interesantes poboacións de aves acuáticas especialmente durante o inverno e o paso migratorio ó outono, unha gran oportunidade para desestacionalizar o turismo na nosa comarca potenciando os seus recursos naturais.
Programa
09.30 horas. Punto de encontro en Foz (fronte á praia de Tupide) e Barreiros (na praza do Concello). Ambos grupos xuntaranse para realizar conxuntamente unha ruta de interpretación na Ría de Foz e da súa diversidade de flora e fauna, con especial interese nas súas aves invernantes (actividade gratuíta).
13.30 horas. Fin da ruta.
14.00 horas. Comida (sopa, cocido e filloas por un prezo de 12 euros) organizada pola “Irmandade Augas Santas Sto. Estevo do Ermo. Barreiros”.
Detalles da Ruta
Distancia: de 3 a 6 km dependendo dos varios puntos visitados da Ría de Foz.
Duración: 4 horas.
Dificultade: Fácil.
Material e servizos proporcionados
Transporte ida e volta (desde Foz), prazas limitadas baixo reserva
Poñemos á túa disposición prismáticos, telescopio terrestre e guías e fichas de identificación de avifauna para que che inicies no mundo da observación de aves (ruta guiada por biólogos e especialistas).
Información e reservas
Para participar na xornada é necesario reservar a través do teléfono 659 167 197 ou do enderezo electrónico carlosgil@maremasma.com.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Unhas xornadas participativas nas que se abordarán temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asociación Xubilados Terramar. O primeiro será este mesmo martes, 13 de maio, baixo o título: Coñece os teus dereitos como consumidor. Será ás 18:30 horas. No local social da asoc de Xubilados Terramar, na Casa do Mar.
Este domingo compartiu unha emotiva comida coa súa familia e recibiu tamén a visita do alcalde, Demetrio Salgueiro, e da concelleira de Servizos Sociais, Tamara Soto, que lle transladaron os seus parabéns. Un século de vida, historias e sabedoría compartida. Un día inesquecible rodeado de agarimo.
