O concelleiro na Corporación Municipal de Foz, Jaime Cancio Rodríguez, asegura que “dificilmente se pode atopar un bienio na historia da democracia española con tanta capacidade de destrución como o transcorrido dende a chegada de Mariano Rajoy o Goberno do Estado”.
“Os pasos de xigante dados cara á escuridade nas diferentes contrarreformas dese Goberno, así como os terribles recortes en dereitos cidadáns e sociais son dignos de rexistrar nun lamentable recordo. Mentres tanto o Goberno galego queda calado nun silencio cómplice acazapado mentres os compañeiros que gobernan dende Madrid levan a cabo unha folla de ruta reaccionaria, retrógrada e profundamente lesiva para o conxunto do Estado e, por suposto, para Galicia”.
“As contrarreformas emprendidas por Rajoy dende o Ministerio de Gallardón están obstinadas en afastar un ben tan prezado como a xustiza do acceso cidadán. Todas e cada unha das reformas na área da Xustiza conducen o mesmo lugar: taxazo xudicial, supresión de xulgados, copagos, privatizacións … Unha mostra clara constitúeno os intentos de privatización do Rexistro Civil, convertendo un servizo público necesario para a cidadanía nun foco de emprego para o sector dos rexistradores (tan próximos a Rajoy) e buscando negocio a costa de programas informáticos que pagamos todos. Os copagos establécense ata para os fitos máis importantes da nosa vida, así o rexistro de nacemento, partida de nacemento, que agora e gratuíto, pasará a custar 20 €, e una partida de defunción 40 €, casarse polo civil preto de 150 €, inscribir una comunidade veciñal 300 €…”.
É por iso que presenta unha moción para que a Corporación Municipal inste ó GOBERNO CENTRAL a que non proceda á privatización dos rexistros civís.
Sinalización da Basílica de San Martiño
A Basílica de San Martiño, está catalogada con BIC dende o ano 1931, e dende o ano 2007, foi declarada Basílica. “Dado o seu valor arquitectónico, escultórico, pictórico, así como a súa historia é o monumento máis importante da comarca da Mariña”, asegura o concelleiro Jaime Cancio, que critica que “non está sinalizada na autovía A8, como así figuran outros monumentos de España”.
Polo tanto, pide á Corporación Municipal adoptar un acordo polo que instar á Consellería de Cultura para que proceda a tramitación oportuna ante o Ministerio de Fomento para que se instale sinalización informativa de contido cultural na autovía A8 á altura do saída 524 sobre a BASILICA DE SAN MARTIÑO.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
