Alfoz acolleu este sábado 18 de abril a segunda xornada das súas II Olimpíadas Interparroquiais. Tratábase neste caso da proba de Fútbol Sala na que se rexistrou unha alta afluencia de público, con varios centos de espectadores.
Nos cuartos de final os resultados foron:
O Castro 1 – Adelán 3
Lagoa 2 – Bacoi 0
Carballido 6 – Reirado 2
Mor 4 – Terras Altas 2
En semifinais os resultados foron:
Carballido 2 – Lagoa 3
Adelán 0 – Mor 4
Non puido repetir final a parroquia de Carballido, que fora a campioa o ano pasado, sendo eliminada por Lagoa, á que vencera na final do ano pasado.
O acto estivo presentado por Ángel Vizoso e Claudia Pena, contando coa presenza con Jorge, árbitro de Foz que dirixiu os enfrontamentos. No aspecto técnico traballaron Lucas Rega e Dani Cao.
A gran final entre Lagoa e Mor rematou con empate a 4 goles, despois de remontar Lagoa un resultado de 4 a 1 favorable a Mor. Nos penaltis venceu Lagoa por 6 penaltis transformados contra 5 de Mor.
O máximo goleador do campionato foi Santi Otero, do equipo de Lagoa.
Nas clasificación das Olimpíadas Lagoa obtén 200 puntos, colocándose en cabeza das mesmas, mentres que Mor, cos 150 puntos obtidos polo seu subcampionato en Fútbol Sala, colócase segundo na clasificación, que queda así:
1. Lagoa: 361 puntos.
2. Mor: 306 puntos.
3. Adelán: 244 puntos.
4. Bacoi: 212 puntos.
5. Terras Altas: 211 puntos.
6. O Castro: 200 puntos.
7. Carballido: 198 puntos.
8. Reirado: 192 puntos.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
