Tras finalizar a celebración da Semana Santa a alcaldesa de Viveiro, María Loureiro, quere “agradecer publicamente a todos aqueles que fixeron -co seu traballo, participación ou asistencia- que a Semana Santa de Viveiro fose un gran éxito, cunha ocupación hoteleira acadou o 100 % e unha valoración máis que positiva por parte de todas as partes implicadas. Nestes días, nos que o bo tempo permitiu que todas as procesións saíran á rúa, Viveiro estivo ateigado de veciños e visitantes que, desfrutando destas datas, comprobaron que a nosa Semana Santa é xusta merecedora da súa distinción como Festa de Interese Internacional”.
“Grazas, polo tanto, a todos os confrades e membros da Xunta de Confrarías da Semana Santa, a veciños e visitantes, ao persoal municipal e voluntarios e, en definitiva, a todos aqueles que colaboraron ou participaron nesta celebración”., di.
Novo Plan de Tráfico
Igualmente quere “agradecer a todos os veciños que pacientemente sufriron as obras necesarias para que o novo Plan de Tráfico de Viveiro fose unha realidade e que, coa mesma paciencia, colaboraron na súa implantación. Tras a súa posta en funcionamento, conscientes de que todos os cambios supoñen, inicialmente, certa confusión, avaliarase a súa execución coa finalidade de valorar se todas as medidas adoptadas funcionan segundo o previsto ou se, pola contra, é necesario realizar algunha modificación; nestes días, estamos a escoitar a veciños e colectivos para atender as súas propostas e, entre todos, establecer un Plan de Tráfico que garanta a correcta circulación do tráfico rodado en Viveiro para que, o noso municipio, siga sendo un referente turístico”.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
