Foz, 7 de abril de 2015. A corporación municipal de Foz celebrará un pleno extraordinario este xoves 9, ás 20.30 horas, para aprobar dous recoñecementos extraxudiciais de crédito que permitan pagar facturas de provedores do Concello pendentes do pasado ano 2014.
O alcalde focense, Javier Jorge Castiñeira, explicou que na sesión “tratarse un único punto, que son dous recoñecementos extraxudiciais de crédito, daquelas facturas do ano 2014 que quedaron fóra de contabilidade por estar esgotada a súa partida ou chegaron tarde, cando os orzamentos do 2014 estaban xa cerrados. Estamos a falar dunha cantidade de 340.282,35 euros, que irán a cargo do remanente positivo de tesourería; e outros 1.358,24, que irán a cargo dos orzamentos deste ano 2015, aprobados recentemente. Esta segunda cantidade é dunha reclamación xudicial dun provedor.”
O rexedor municipal destacou que “é posible levar a pleno este recoñecemento extraxudicial porque existe un remanente moi positivo xerado xa que houbo partidas dos orzamentos do ano 2012 que quedaron sen gastar e que xeraron no ano 2014 máis dun millón de euros de remanente, co cal acumúlase un total de 2.288.585,14 euros. Iso significa que hai suficiente remanente para aprobar esas facturas de máis de 340.000 euros”.
Javier Castiñeira aclarou que “isto é provocado porque non se aprobaron os orzamentos do ano 2014, pois a oposición durante estes últimos anos non aprobou ningún dos orzamentos propostos polo goberno local e estiveron totalmente desactualizados dende o ano 2012, aínda que é certo que durante estes últimos meses cambiou bastante a situación posto que si se aprobaron os do 2015 e estes orzamentos están actualizados para os servizos que dá o Concello”.
O alcalde espera que os grupos da oposición “dean para diante a este recoñecemento extraxudicial e así poderemos cumprir coa solicitude do presidente da Acia de Foz de facer o pagamento o antes posible de todas as facturas do 2014 e tamén das deste ano 2015, o que xa se está a facer este mes. Hai partida orzamentaria, hai remanente e o máis importante é que hai liquidez hoxe en día na caixa do Concello; hai unha solvencia que vai permitir pagar todos aqueles gastos que estean legalmente aprobados feitos durante esta lexislatura. E se quedara algún pendente de pagar vai haber diñeiro na caixa para poder facelos efectivos cando estean legalmente aprobados. Polo tanto pedímoslle á oposición que non poña pegas a este compromiso que hai coa Acia para pagarlle a provedores que a maior parte deles son locais. E, dende logo, é unha boa nova que o Concello poida efectuar eses compromisos de pagamento”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
