Ribadeo, 27 de abril de 2015. Ribadeo duplicou en 2014 as medias de Galicia e de España en recollida de vidro e de envases, polo que Horacio Cupeiro, concelleiro de Medio Ambiente, subliña que os ribadenses lle dan un trato notable aos seus residuos. Ademais en Ribadeo recolléronse o pasado ano máis de catro millóns de quilos de lixo e 197.000 quilos de papel.
O edil nacionalista dixo que “unha vez máis os ribadenses dan un trato notable aos seus residuos, aínda que loxicamente nisto nunca é suficiente. Acabamos de coñecer os resultados de Ecovidrio e de Ecoembes de 2014 e Ribadeo duplica tanto á media galega coma á media española. En Galicia recóllense de media 14,2 quilos de vidro por habitante e ano, en España 14,8 quilos e en Ribadeo recollemos o dobre: 28,71 quilos por habitante e ano”.
Cupeiro indicou que “no caso do contedor amarelo en Ribadeo recollemos 25,66 quilos por habitante e ano, fronte aos 11,7 quilos de media en España e aos 12,7 quilos de media en Galicia”. O concelleiro de Medio Ambiente pediu “á cidadanía que sexa un pouco máis severa á hora de botar residuos no contedor amarelo, xa que deberíamos estar por debaixo do 30% de impropios e estamos no 33,51%”. O edil lembrou que “durante bastante tempo estivemos no 28%. Iso quere dicir que se están deixando neses contedores cousas que deberían ir a outros recipientes”.
Horacio Cupeiro contou que “en 2014 no contedor verde recollemos 4.214.300 quilos de residuos e de papel-cartón 197.952 quilos. Detectamos un descenso na reciclaxe de vidro dun 7,32% con respecto a 2013 e no caso dos envases tamén descendeu nun 0,81%. E en papel-cartón rexistrouse un incremento do 1,62%, o que indica que houbo unha leve recuperación do consumo”.
O concelleiro de Medio Ambiente felicitou “a todas aquelas persoas que reciclan o lixo e o depositan nos contedores habilitados para ese fin. E lembrarlles aos que non o fan que a súa responsabilidade é seleccionar os residuos que xeran e depositalos no lugar adecuado”.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
Fixoo no marco do Campionato Galego de Coctelería celebrado no Hostal dos Reis Católicos.
O tráfico estará regulado por semáforos e está previsto que este venres rematen as obras.
