A Mariña, 9 de maio de 2015.- O Bloque Nacionalista Galego quixo deixar patente este sábado unha das súas prioridades políticas para os vindeiros catro anos en todos os Concellos: a defensa dos servizos públicos e nomeadamente dunha sanidade pública e de calidade na comarca da Mariña, tanto na asistencia primaria como na especializada e hospitalaria.
“Non queremos que os cidadáns e cidadás da Mariña se vexan obrigados a desprazarse a Coruña ou Santiago para curar as súas doenzas, porque na Mariña temos dereito a contar con eses mesmos tratamentos sen ter que desprazarnos”, reclamou esta tarde a responsable comarcal do Bloque, Ana Ermida, diante do Hospital da Costa e rodeada de todos os cabezas de lista e candidatos do BNG na comarca, entre eles os alcaldes de Ribadeo, Mondoñedo e Riotorto, Fernando Suárez, Orlando González Cruz e Federico Gutiérrez Estoa, e do vicepresidente da Deputación, Antonio Veiga.
O BNG xa anunciou que a defensa dunha atención sanitaria de calidade para a poboación, tanto no Hospital da Costa como nos Centros de Saúde de todos os Concellos será “unha das batallas que o BNG veu dando nestes últimos anos e que seguirá dando nos próximos catro anos, porque é de xustiza e é un dereito”, afirmou Ana Ermida, que puxo en valor o traballo dos alcaldes do BNG en Ribadeo, Riotorto ou Mondoñedo “por defender aos seus veciños e veciñas e opoñerse aos recortes nos centros de saúde de primaria dos seus Concellos”, en contraposición a outros alcaldes do Partido Popular, como Cervo ou Xove, “calados ante as mesmas medidas do PP”. Tamén quixo felicitar á Plataforma Sanitaria da Mariña, na que o nacionalismo estivo presente, “por ter denunciado e mobilizando á sociedade mariñá contra os recortes e medidas antisociais dos gobernos do PP”.
“Non queremos que o Hospital da Costa acabe convertido nun simple ambulatorio”
Ana Ermida acusou a Feijóo, coa complicidade dos alcaldes do PP da Mariña, de querer converter o Hospital da Costa “nun simple ambulatorio dependente de Lugo”. “Desde o 2009 a comarca da Mariña vense mobilizando contra perda de autonomía da xestión sanitaria en favor de Lugo, a actitude dos alcaldes do PP sempre foi dar as costas a esta demanda social. As consecuencias desta decisión da Xunta, efectiva desde 2013, fixo perder á comarca capacidade de decisión sobre as necesidades de persoal e servizos dos centros de atención primaria e especializada na comarca, evidenciado mesmo coas demisións de dous xerentes do Hospital da Costa críticos coas consecuencias do modelo de xestión integrada con dirección en Lugo imposto pola Xunta”, lembrou a responsable comarcal do Bloque.
O Hospital da Costa antende a mais de 70.000 persoas e moitas máis en determinadas épocas do ano na comarca mariñá. Precisa de ampliación urxente por obsoleto, falta de espazo e persoal axustado. “As promesas do presidente da Xunta sobre a ampliación do Hospital da Costa véñense repetindo desde fai anos (a primeira foi no ano 2009) cada vez que hai eleccións” polo que “non contan coa credibilidade do persoal sanitario nin da sociedade en xeral da nosa comarca”, dixo Ana Ermida.
O BNG acusa do PP “intentar acalar as protestas da xente e as demandas de mellores servizos sanitarios poñendo en marcha servizos en precario como a Hospitalización a domicilio (HADO), con escaso persoal e incapaz de atender a a toda a comarca, ou o servizo de Oncoloxía, con persoal especializado prestado polo hospital de Lugo”, denuncia o Bloque.
Recortes de médicos en Ribadeo, Cervo, Xove, Burela, Mondoñedo, Foz, Lourenzá, O Valadouro e Viveiro
Na atención primaria sucedéronse os recortes de orzamento para persoal e mesmo material necesario para manter a calidade asistencial. Perdéronse facultativos nos centros de primaria de Ribadeo, Cervo e Xove. Os servizos de pediatría de Burela, Mondoñedo, Foz, Lourenzá, O Valadouro e Viveiro ademais de perder facultativos están colapsados ou atendidos por persoal non especializado. A contestación dos alcaldes do PP diante destes recortes, ou foi tibia ou simplemente non existiu. En contraposición alcaldes do BNG en Ribadeo e Mondoñedo fixeron fronte aos recortes mesmo poñéndose á fronte das mobilizacións sociais ou liderando demandas tan importantes como a do alcalde de Riotorto contra o medicamentazo que fixo frear as aspiracións do PP de aplicar o copago na dispensación de medicamentos na farmacia hospitalaria. “O BNG tanto desde os gobernos como desde a oposición municipal plantou cara durante estes anos ao desmantelamento por inanición da sanidade pública. O PP da Mariña, alcaldes e dirixentes, foron cómplices necesarios e moi útis para as políticas de recorte na sanidade pública e para o proceso privatizador emprendido polo presidente Feijoo desde que chegou ao goberno galego”, denunciou Ana Ermida.
A responsable comarcal do Bloque denunciou que “o orzamento en sanidade primaria para o conxunto da provincia de Lugo viuse recortado nos últimos sete anos nun 7,5%, case 34,5 millóns de euros, que teñen como consecuencia a degradación da calidade asistencial nos centros sanitarios mais próximos á veciñanza, e un profundo malestar e desmoralización entre o persoal sanitario”. A esta situación débese sumar a non substitución por baixas temporais ou vacacións do persoal sanitario, o que provoca acumulación de tarefas en moitos centros de saúde da comarca. “Os veciños e veciñas da Mariña reclaman unha atención sanitaria conforme a unhos parámetros de calidade que todo galego/a debera recibir, non protestamos por vicio”, concluíu Ana Ermida.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
