A Asociación “Abriendo Camino” de Amigos do Camiño Norte de Santiago (representando ás comarcas da Mariña e a Terra Chá) mantivo en abril unha reunión coa Directora Xeral de Patrimonio da Xunta de Galicia e o seu equipo cos representantes da Agrupación do Camiño do Norte (que abarca as comunidades do País Vasco, Cantabria, Asturias e Galicia), con representantes das ACIAS de Foz e Mondoñedo e o alcalde de Foz, con motivo da reivindicación dun estudo para a inclusión no trazado oficial da Variante Marítima pola Basílica Catedral de San Martino de Mondoñedo, recuperando a memoria histórica do paso de peregrinos pola Catedral máis antiga de España (S. VII) que segundo os documentos contaba cun hospital de peregrinos e que potenciará o Camiño do Norte, dando tamén a coñecer os múltiples atractivos paisaxísticos da costa lucense.
As conclusión do encontro, para a Asociación Abriendo Camino, foron:
1) Esperar ao mes de xullo que se resolva pola UNESCO a solicitude de nomeamento de Patrimonio da Humanidade ao Camiño do Norte. Que en caso de ser favorable, a Xunta de Galicia contrataría un equipo para corroborar a Historicidade do paso de peregrinos por San Martiño e posteriormente o estudo do trazado e delimitación do mesmo.
Tamén se ofrecen a solicitar a axuda da SA de Xestión do Xacobeo e da Axencia de Turismo da Xunta de Galicia, para promover e divulgar esta ruta nas guías e folletos…
2) O alcalde de Foz Javier Castiñeira, comprométese a incluír no seu programa electoral a adecuación para albergue de peregrinos, dunha casa de indianos, situado na parroquia de Villaronte (a 2 kms da Basílica) cedida pola Fundación Damián.
A Asociación “Abriendo Camino” en colaboración co Concello de Foz confeccionará un poster de 1 m X 0,80 m sobre a Variante Marítima á Basílica de San Martiño, que se expoñerá no I Encontro Mundial de Asociacións dos Camiños de Santiago que se celebrará os días 4,5 e 6 de xuño en Santiago de Compostela para as que xa están inscritas máis de 200 asociacións dos 5 continentes. Tamén se repartirán os trípticos confeccionados da Variante Marítima e que reeditou o Concello de Foz para promocionar e dar a coñecer este proxecto entre os asistentes e medios de comunicación.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
