BURELA, 7 Maio de 2015.- Ciudadanos Burela mantivo ao longo das últimas semanas reunións con colectivos e asociacións do municipio, para expoñer as propostas do programa electoral co que concorrerán ás próximas eleccións municipais. A finalidade destes encontros é escoitar as necesidades e propostas dos bureleses e suscitar as posibles solucións. “O noso obxectivo é consolidar un proxecto baseado no diálogo. Para iso é necesario sentarse con eles e coñecer as súas inquietudes e necesidades”, aclarou Manuel Vicente, candidato de C’S Burela.
SATISFEITOS E AGRADECIDOS
O cabeza de lista de Ciudadanos Burela fixo un balance positivo destes contactos. “Estamos moi satisfeitos polo noso traballo, xa que realizamos unha boa análise para levar a cabo unhas propostas de cambio para Burela; as cales recollemos no noso programa”, afirmou. Tamén adiantou que a formación política que C’s Burela seguirá traballando e reuníndose con distintos representantes da sociedade local. “Queremos dar as grazas a todo o mundo que nos atenderon estupendamente e que nos fixeron chegar as súas inquietudes, suxestións e propostas; ben verbalmente ou a través do noso mail”, recalcou Vicente González.
CAMPAÑA
Para Manuel Vicente, desde Ciudadanos suscítanse estas dúas semanas de campaña desde o respecto que se merecen os cidadáns de Burela. “Non imos facer malgastes, nin malgastar diñeiro, xa que entendemos que hai moitas necesidades. Imos facer unha campaña austera, pero tenaz no traballo de campaña”, concluíu o candidato ás eleccións locais do próximo 24 de maio.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
