Ribadeo, 27 de maio de 2015.- En Ribadeo da comezo a segunda parte do programa Ribadeo medra contigo, que estará destinada a dinamizar e impulsar as pequenas empresas e a mellorar a xestión do seu negocio. Esta segunda fase está composta de tres módulos: xestión administrativa, márketing e marca persoal. O módulo de xestión administrativa será os días 9, 10 e 11 de xuño. A inscrición xa está aberta no Concello.
A concelleira de Desenvolvemento Local e Turismo, Ana Martínez, dixo que “queremos iniciar a segunda parte deste Ribadeo medra contigo, na que queremos axudar a dinamizar e a impulsar as pequenas empresas e os comercios que estean establecidos dentro do noso territorio. Tamén a esas persoas que están decididas, nestes momentos tan complexos, a emprender. Para iso queremos axudar e poñer en marcha este programa que lles permita aos que xa están traballando nos comercios e nas pequenas empresas mellorar a xestión do seu negocio e axudar tamén a estes novos emprendedores a coñecer como pode ser ese novo negocio, as necesidades que poden ter dentro do que é a xestión administrativa, de márketing, da marca persoal nese novo negocio que poidan estar decididos a emprender”.
A edil nacionalista explicou que “a segunda fase deste Ribadeo medra contigo, que é o programa de impulso ás empresas, contará con 75 horas, que van estar divididas tanto de forma presencial, con asesoramento ás persoas que queiran participar neste curso, atendendo tamén as necesidades individuais de cada un deles. Dividirase en tres módulos: está por un lado o de xestión administrativa dun negocio, os problemas cos que moitas veces nos atopamos á hora de arrancar o noso negocio ou a problemática que día a día temos que ir combinando co propio traballo que poida haber nun comercio ou nunha pequena empresa, e que ás veces se nos desborda. Esta é a idea para este módulo de xestión administrativa, que é para aprender a xestionar a empresa no día a día. Constará de 12 horas presenciais máis asesoramento individualizado e terá lugar os días 9, 10 e 11 de xuño cun horario adaptado tamén a esas persoas que están traballando. Entendemos que o horario máis axeitado, porque así nolo comunicaron, vai ser de 14 a 16 horas e de 20 a 22 horas”.
Martínez contou que “a segunda parte deste plan será o módulo de márketing, no que se tocará márketing, socialmedia e web para o negocio. Terase en conta a posibilidade de crear campañas de divulgación do noso negocio, do noso comercio, as formas de facelo, as ferramentas, … Temos que ter en conta que coas novas tecnoloxías moitas veces un veciño que vive enriba do noso comercio está mercando por internet porque non coñece que debaixo ten o mesmo produto e quizá ao mesmo prezo. Para igualarnos tamén nese mundo dixital queremos traballar coas nosas empresas. E para iso dedicaremos 15 horas de asesoramento presencial e logo tamén individualizado. Terá lugar os días 22, 23, 24 e 29 de xuño tamén no horario de 14 a 16 e de 20 a 22”.
E engadiu: “e logo xa cara a despois do verán, para non meternos na campaña máis dura de traballo no noso concello, teremos o módulo de branding da túa empresa; o que é a marca persoal do emprendedor. Constará de 8 horas e de asesoramento individualizado. Será os días 7 e 8 de outubro”.
A concelleira de Desenvolvemento Local e Turismo subliñou que “a xente que estea interesada en incorporarse a este programa que eu entendo que é bastante interesante, tanto a nivel de negocio como de pequena empresa ou de emprendedor, que se poña en contacto coa Área de Desenvolvemento Local e Turismo do Concello de Ribadeo, a través do correo electrónico adl@ribadeo.org ou ben chamando ao teléfono do concello 982.128.650”.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
