Ribadeo, 11 de maio de 2015. De éxito rotundo cualificou o alcalde, Fernando Suárez, a primeira fin de semana do décimo concurso gastronómico Ribadeo de tapeo. Centos de persoas ateigaron os locais hostaleiros tanto o sábado coma o domingo para gozar das preparacións que elaboraron os 51 locais participantes.
O rexedor subliñou que “esta fin de semana foi un éxito rotundo a décima edición do Ribadeo de tapeo, que desenvolve o Concello coa participación de 51 establecementos tanto da vila como das parroquias, son restaurantes, bares, mesóns… E a parte do bo facer destes profesionais da cociña en miniatura, hai que destacar as actividades paralelas que se desenvolveron estes días e que tamén contaron cun notable éxito, como ocorreu co obradoiro para os máis pequenos que deu Ana Oca, unha rapaciña que ten vinculacións con Ribadeo e que participou hai pouco no programa de televisión Masterchef Junior, coma o anelamento de aves que tivo lugar o domingo en Rinlo”.
“Eu quédome particularmente coas boas impresións que nos están a trasladar os restauradores, os donos dos establecementos que participan. Agora pola mañá sondeando como lles foi esta fin de semana maioritariamente din que lles foi moi ben, que acompañou o tempo, e que notan que nesta primeira fin de semana do Ribadeo de tapeo tiveron máis xente que no mesmo período do ano anterior”, explicou Fernando Suárez.
O alcalde ribadense considera que “isto vai a máis, Ribadeo segue a convencer a moita xente que ven doutros concellos de cerca a disfrutar desta iniciativa, que poden seguir non só a través dos programas de man senón tamén polas aplicacións de móbil onde poden ver os horarios, os lugares, o tipo de tapa, etc”.
Suárez Barcia anima á xente a visitar Ribadeo estes días: “aos que non viñeron aínda dicirlles que teñen todos estes días por diante ata a fin de semana próxima e aos que xa degustaron algunhas tapas dicirlles que teñen moitas máis durante toda a semana para disfrutar da gastronomía en miniatura e do bo facer dos restauradores locais”.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
