Burela, 27 de maio de 2015.- Con motivo da conmemoración do Día Mundial sen Tabaco, que se celebra o 31 de maio, a Unidade Asistencial de Drogodependencias (UAD) do Concello de Burela, instalará este venres, 29 de maio, unha mesa informativa.
Dende as 10:00 ata as 13:30 horas, a mesa estará situada nas inmediacións do Centro de Saúde da localidade, atendida por a psicóloga clínica Susana Fernández Pernas, quen informará sobre os efectos nocivos do tabaco e as estratexias terapéuticas para o abandono do consumo desta sustancia. Realizaranse tamén, a todas aquelas persoas interesadas, medicións do monóxido de carbono (CO) en aire expirado, e entregarase material informativo.
Neste ano 2015, a campaña da OMS (Organización Mundial da Saúde) é Día Mundial sen Tabaco 2015: Alto ao comercio ilícito de produtos de tabaco”.
A concelleira de Sanidade en funcións, Diana Durán, explica que “cada ano, o 31 de maio, a OMS e os seus asociados celebran o Día Mundial Sin Tabaco, co fin de destacar os riscos para a saúde asociados ao consumo de tabaco e promover a aplicación de políticas públicas eficaces para reducir ese consumo. E neste 2015 exhortan aos países a que colaboren para poñer fin ao comercio ilícito de produtos de tabaco. En moitos aspectos, o comercio ilícito de produtos de tabaco é un importante motivo de inquietude a escala mundial, en particular na que se refire á saúde, o dereito e a economía, a gobernanza e a corrupción”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
