Lugo 26 de outubro de 2015.- A voceira do Grupo Provincial do Partido Popular, Elena Candia, esixiulle este luns en rolda de prensa aos deputados do BNG na Deputación de Lugo que aclaren o seu cambio de criterio na valoración dos imputados. “O BNG ten que dar unha serie de explicacións aos lucenses, xa que primeiro non quería imputados no Goberno, despois non os quería na Xunta de Goberno e agora quere a uns si e a outros non”, analizou a popular.
A voceira dos populares fixo estas declaracións en rolda de prensa trala presentación do Goberno da Deputación de Lugo e durante a que asegurou que o PSOE e o BNG repártense o poder en función dos seus intereses persoais e dunhas prebendas que seguen ocultando á cidadanía. “O novo Goberno da Deputación terá que dar conta das prebendas que oculta o seu acordo e explicar por que uns imputados poden formar parte da Xunta e outros nin tan sequera forman parte do Goberno”, engade.
Os dous códigos éticos do BNG
Elena Candia explicou que o BNG incumpre o seu código ético aínda non estando Martínez no Goberno coa presenza de outros dous imputados. “Cal é entón a vara de medir do BNG? Teñen varias categorías de imputados ou só ten que ver coas prebendas que asinaron na sombra co PSOE?”, pregúntase a popular.
“O que está claro,-engade Candia-, é que os deputados do BNG están a desautorizar definitivamente ao voceiro nacional do BNG, Xavier Vence, cando aseguraba que o BNG non compartiría goberno con imputados”. Ademais, “está claro tamén que o BNG está a aplicar un código ético distinto para a Deputación que para o resto de Galicia, moito máis permisivo coa presenza de imputados no Goberno”, analiza Candia. “Como pode ser que no Concello de Lugo pediran a dimisión do exalcalde Orozco por estar imputado e, a douscentos metros ao seu carón, no pazo de San Marcos, estean dispostos a compartir Goberno con ata dous imputados?”. Polo tanto, os nacionalistas, “deben dar conta do criterio que empregan para conformar o goberno”.
Goberno inestable
A voceira dos populares lamentou que o PSOE e o BNG seguen a dar exemplo dun “espectáculo lamentable, que o único que fai e seguir danando a imaxe e a reputación da institución e o que aínda é máis grave, pospón de xeito indefinido darlle resposta aos problemas e necesidades que teñen os cidadáns da nosa provincia”. Candia asegura que “estamos ante un Goberno inestable”. “Están a demostrar con feitos que despois de tres meses non foron quen de poñerse dacordo, o que deixa entrever que no futuro non serán capaces de poñerse dacordo para gobernar”, engade.
O Goberno máis opaco da historia
Elena Candia tamén lembrou as palabras do presidente da Deputación quen dixo que todos os deputados terían responsabilidades de Goberno. “Que vara empregou tamén el agora para medir?”. En canto a Martínez, a voceira recordou que “asegurou que só estaría se era presidente, despois si estaba na Xunta de Goberno e agora non sabemos nin onde está”. Polo tanto, “demostran que con cada novo xiro, con cada nova incongruencia, con este exemplo incesante de esperpento, non están capacitados nin autorizados politicamente para gobernar”, explica Candia.
“Non houbo transparencia nas negociacións nin no resultado, non se coñece o acordo e esperan que os cidadáns confíen na súa xestión de goberno cando é o máis opaco da historia?”, conclúe a voceira dos populares.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
