Santiago, 26 de outubro de 2015.- Os orzamentos da Xunta de Galicia para o ano 2016 reflicten “o renovado e reforzado compromiso do Goberno galego co mundo do mar”, tras ver incrementados en case un 50% os seus recursos.
Así o afirmou o voceiro do Mar do Grupo Popular, Jose Manuel Balseiro, no transcurso da comparecencia da conselleira Rosa Quintana no Parlamento para informar das contas das que disporá o seu departamento o ano próximo.
O popular dixo que a pesca, o marisqueo e acuicultura “recuperan protagonismo”, cun equipo que volve a ter “plena dedicación” neste ámbito, feito que aplaudiu, e “co incuestionable e patente respaldo do Goberno galego aos seus profesionais que fan visibles estas contas”
“Son 129,2 millóns de euros, 42,2 millóns de euros máis que en 2015 o que multiplica por dez a suba media do conxunto das consellerías da Xunta”- salientou Balseiro- “Por iso, con máis recursos e da man dos profesionais, chegaremos a bo porto”.
Notables incrementos
Balseiro salientou os incrementos en áreas tan importantes como a construción e conservación de infraestruturas portuarias (+53%), ensinanzas pesqueiras (+18%), modernización e mellora da seguridade a bordo dos buques pesqueiros (+220%), protección do medio mariño (+53%) e tamén a partida de 500.000 euros para a adquisición de barcos por parte de mozos.
O popular tamén felicitou á titular da Consellería do Mar pola boa negociación que o Goberno central e autonómico fixo e que como resultado deu que Galicia dispoña de máis do 50% dos recursos do Fondo Europeo Marítimo e Pesqueiro asignados a España, “Son 500 millóns de euros a investir en apoiar aos profesionais entre 2015-2020”.
Unha situación que mellora
“Somos existentes. E queremos seguir mellorando”. Pero non podemos esquecer –dixo Balseiro- que, “fronte á visión catastrofista e non construtiva da oposición” as cotas de pesca creceron un 13% entre 2012 e 2014, e incrementaron un 55% o seu valor. “Os mesmos partidos que hoxe critican este feito, no Goberno defendían cotas moi inferiores”
Balseiro puxo en valor tamén o incremento das descargas de peixe e marisco fresco, que creceron nun 14,53% en 2014 nas lonxas galegas, que facturaron un 4,58% máis. Ou os incrementos que se rexistraron na produción na acuicultura, as conservas galegas e o mexillón.
“Co incuestionable e patente respaldo do goberno galego que fan visibles estas contas, podemos dicir que a pesca, o marisqueo e a acuicultura en Galicia teñen futuro, e que é un futuro certo e positivo”- concluíu Balseiro
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
