Santiago de Compostela, 26 de outubro de 2015.- O portavoz de Pesca do Grupo Socialista, José Ramón Val, cualificou este luns de “dramáticos” os orzamentos da Consellería do Mar para o ano 2016. O responsable socialista dixo que os orzamentos “non van servir de ningunha maneira para darlle resposta aos problemas do sector” da pesca, que “cada vez ten uns menores ingresos, menos barcos e menos afiliados ao réxime especial do mar”.
Ironizou con que o que a conselleira bautizara nos orzamentos de 2015 como a “estratexia do sentidiño” levaran ao sector a “estar permanentemente na rúa protestando polo desleixo do goberno galego”. Lamentou o “desinterese manifesto” pola situación do cerco, do marisqueo ou da volanta, aos que “vostede non atendeu en todo o ano e que desgrazadamente non aparecen tampouco nestas contas”.
Os orzamentos carecen de “ningunha acción importante” para reverter a redución de afiliados á Seguridade Social do Mar, que pasou de 26.038 en 2008 a 21.078 en 2015, 4.960 persoas menos traballando no mar, ademais de case 600 mariscadoras a pé menos que en 2008. A pesares desta situación “non hai unha aposta seria de país, pola pesca extractiva ou polo marisqueo, seguimos sen ningunha acción importante”.
O parlamentario socialista comparou a situación orzamentaria comparada con 2012, o último ano antes da fusión con Medio Rural, dende o que a Secretaría Xeral perdeu 7 millóns de euros, Innovación perdeu 46,4 millóns, Desenvolvemento Pesqueiro pasou de 33 a 31 millóns e o Instituto Tecnolóxico para o control do Medio Mariño baixou de 3,35 a 2,9 millóns de euros.
Val salientou a ausencia do desenvolvemento dos plans de acuicultura, así como do sector mexilloeiro, o que, malia que Galicia é referencia internacional, está “literalmente desaparecido” dos orzamentos do goberno galego. Portos de Galicia ten ademais unhas previsións de investimentos “pírricas” de 6,6 millóns de euros, con “previsións que logo non se poden cumprir porque o mantemento absorbe a práctica totalidade do orzamento.
Esixiulle á conselleira “contas serias con accións concretas, con nomes e apelidos e non unicamente cuestións xenéricas con partidas xenéricas que non son quen de executar”. Lembrou así que “os niveis de execución roldan apenas o 70 por cento”, constantando que “renuncia a aproveitar a potencialidade dun sector vital para a nosa economía, que sobrevive a pesares de vostedes”.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
