Mondoñedo, 9 de novembro de 2015.- A alcaldesa de Mondoñedo, a popular Elena Candia, agradece a visita que este luns realizou á localidade a conselleira de Infraestruturas e Vivenda, Ethel Vázquez, coa que puido manter unha xuntanza de traballo. Candia felicítase ademais pola boa disposición de Ethel Vázquez sobre os asuntos que trataron.
En concreto, a rexedora trasladoulle a importante da posta en valor, en canto sexa posible, dos inmobles que a Consellería ten en Mondoñedo, nomeadamente no Barrio dos Muíños. Ethel Vázquez trasladou o seu compromiso co comezo “nun breve prazo de tempo” da redacción do proxecto básico de execución nos edificios da Rúa Muíños 26-28. Tamén informou á rexedora de que o mesmo se fará noutro inmoble da mesma rúa.
Elena Candia deulle conta á titular do departamento autonómico do interese amosado por algún particular para compra dalgún dos inmobles, ao tempo que lle solicitou á conselleira que estude esta posibilidade.
Ambas as dirixentes aproveitaron o seu encontro para abordar tamén a situación dun edificio sito nunha finca na Rúa Matadeiro 1, que a Consellería adquiriu anteriormente. A rexedora manifestou o seu interese porque este espazo se poña en valor a través da creación dunha área recreativa no entorno da Ponte Pousa “pola súa singular beleza”, explicou Candia.
Outras demandas
A alcaldesa de Mondoñedo trasladoulle á conselleira a necesidade de construír unha senda peonil entre o quilómetro cero da estrada 124, na glorieta de San Lázaro, ata as instalacións deportivas. Candia explicoulle á titular de Infraestruturas e Vivenda que o paseo por esa vía “é moi habitual, polo que sería interesante individualizar o espazo reservado para os peóns para que non exista perigo”. Tamén lle demandou que se prosiga co arranxo da estrada 124 na parte da Avenida Bos Aires e agradeceulle o investimento feito na vía “nun momento económico complexo”
“A valoración da xuntanza non pode ser máis que moi positiva, posto que a conselleira foi receptiva con todas as nosas demandas, comprometeuse ao seu estudo e confiamos en que todas elas teñan resposta nun prazo breve de tempo”, conclúe a alcaldesa.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
