Ata o domingo 19 de maio, continúa Ribadeo de Tapeo. E, por outra banda, a BMMR ofrece o seu tradicional concerto do Día das Letras Galegas o día 17 de maio no auditorio municipal Hernán Naval ás 20.30 h. E tamén para festexar a reivindicación do noso idioma, o Concello de Ribadeo programa un concerto moi especial dentro do ciclo das músicas posíbeis: UXÍA canta ‘Andando a Terra’, inspirada nos poemas de Manuel María, no Teatro, o sábado 18 ás 19.00 h cunha entrada a 8 euros. Finalmente, Ancora Producións presenta Snakizados, a comedia da fin do mundo con 15 personaxes e un só actor, Gustavo Pernas, nunha obra que supón unha nova re-lectura da dúbida hamletiana. A actuación terá lugar no auditorio Hernán Naval o domingo ás 20.30 h cun prezo da entrada que oscila entre os 2 ou os 4 euros. E a actividade de animación á lectura con Inés Cuadrado prevista para este sábado na biblioteca suspéndese ata o outono.
Axenda cultural da semana en Ribadeo
Relacionado
-
A Caridá celebrará as festas de San Miguel 2026 do 25 ao 29 de setembro, cun programa que combina tradición e novidades
-
Frans Banfield e Juanma Ons chegan ao Salón dos Pilares cunha proposta íntima e envolvente: tango malevo e clásicos do Río da Prata, nunha viaxe musical que combina creacións propias e unha escolma de pezas emblemáticas da tradición riopratense
-
Unha saída de vía deixou unha persoa ferida en Vilalba
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
