Burela, 5 de abril de 2016.- O Concello someterá a aprobación no pleno ordinario deste xoves, 7 de abril, o orzamento para este ano que ascende a 6.900.000 euros, dos que un 14% se destinan a Servizos Sociais, segundo deu a coñecer este mediodía o alcalde, Alfredo Llano.
O rexedor contou que “estes son uns orzamentos que penso se adaptan perfectamente ás necesidades agora mesmo do noso concello, increméntanse nun 4´5% respecto ao ano pasado e case chegan aos 6.900.000 euros”.
O alcalde burelés salientou que “se adaptan perfectamente ás necesidades de Burela, necesidades que nos gustaría que tivéramos máis para facer fronte a moitas cousas que agora mesmo preocupan como pode ser o emprego, pero trataremos que os veciños estean ben atendidos, que os servizos se manteñan en boas condicións e poder facer e ofrecer cuestións que sexan boas para Burela”.
Alfredo Llano subliñou que “as novidades máis grandes son por un lado este incremento do 4´5% con respecto ao ano pasado, pero tamén imos ter unha boa partida para investimentos reais, que soamente de recursos propios son 350.000 euros, e a maiores recursos que contamos con eles como son obras do POS da Deputación, da Xunta ou de máis organismos co que podemos chegar este ano aos 600.000 euros reais de inversión”.
O alcalde de Burela engadiu que “dentro deses investimentos reais imos procurar facer as casetas no campo de herba artificial, cuestión moi demandada e nosoutros adquirimos ese compromiso de realizalas e posiblemente este ano xa estean rematadas. Ademais imos tratar de rematar cos recursos que nos corresponden a nosoutros a nova Escola Infantil para poder abrila no mes de setembro. Tamén imos tratar de facer unha nova sinalización no concello de Burela, está moi caduca e polo tanto queremos renovala. Imos tratar de asfaltar tamén varias rúas de Burela e cambiar moito mobiliario urbano que agora mesmo está bastante obsoleto”.
Llano indicou ademais que “outra novidade é o incremento en servizos sociais que é a partida que máis cartos leva, o 14% do orzamento. Ademais temos 15.000 euros que se van dedicar a favorecer o emprego. Por outra banda, queremos chegar a facer convenios coas empresas de Burela para que poidan facilitar a labor de contratar a persoas que estean no paro. Tamén imos conceder subvencións a asociacións, colectivos e agrupacións para que sigan realizando actividades no noso concello”.
O alcalde de Burela dixo que “basicamente do que se trata é de que con estes orzamentos se favoreza a todos os veciños de Burela, responder ás esixencias que temos no noso concello e tratar de mellorar cada día máis o asentamento de poboación, que os veciños estean contentos, que aquí se poida levar adiante un bo proxecto de vida, que haxa todos os servizos nas mellores condicións posibles e tratar de que sexa Burela un referente claro na Mariña, que é o que queremos todos”.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Unhas xornadas participativas nas que se abordarán temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asociación Xubilados Terramar. O primeiro será este mesmo martes, 13 de maio, baixo o título: Coñece os teus dereitos como consumidor. Será ás 18:30 horas. No local social da asoc de Xubilados Terramar, na Casa do Mar.
Este domingo compartiu unha emotiva comida coa súa familia e recibiu tamén a visita do alcalde, Demetrio Salgueiro, e da concelleira de Servizos Sociais, Tamara Soto, que lle transladaron os seus parabéns. Un século de vida, historias e sabedoría compartida. Un día inesquecible rodeado de agarimo.
