ACISA e BBVA asinan un convenio de colaboración con condicións vantaxosas para os socios do colectivo ribadense

Ribadeo, 15 de xuño de 2016. Acisa e BBVA acaban de asinar un convenio de colaboración con condicións vantaxosas para os socios da Asociación de Comerciantes, Industriais, Servizos e Autónomos de Ribadeo. Participaron no acto o presidente do colectivo, David Martínez, e a directora do Centro de Banca de Clientes de BBVA nesta zona, Isabel Rivero Uría.

Martíñez sinalou que “desde Acisa sempre tentamos promover cousas para os nosos socios, como actividades e eventos, pero por suposto tamén cremos que é importante a formación e ademais convenios como este, que poidan beneficiar aos nosos socios. Neste caso o banco BBVA ten unha gran oferta que pode beneficiar a todos os comerciantes, tanto no TPV como en liñas de crédito, que nos pode axudar a pasar mellor estes tempos que estamos a vivir. Por iso é moi interesante”.

Pola súa banda, Isabel Rivero, agradeceu “a oportunidade de colaborar e poñer en marcha un convenio coa Asociación de Comerciantes de Ribadeo, co fin de poder incrementar a relación e contribuír ao desenvolvemento sustentable da actividade empresarial na contorna. Entendemos que tendo en conta a situación económica actual é fundamental poñer á vosa disposición facilidades de financiamento, que abarquen liñas de crédito, financiamento de proxectos e o resto de servizos para impulsar e modernizar as empresas. Poñemos á vosa disposición unha ampla rede de oficinas a nivel nacional e unha presenza moi diversificada a nivel rexional, non só da nosa contorna”.

Rivero Uría engadiu que “con este convenio nós comprometémonos a estudar e analizar as propostas e solicitudes realizadas polos asociados coa maior celeridade posible. A oferta de convenio contempla produtos tanto para autónomos como para pemes e recolle condicións de contas de crédito, préstamos, leasing, renting, seguros e demais servizos. Agradecemos que os asociados coñézano e estamos á súa disposición para asesorar, aclarar e expor. Tentaremos chegar a todos a través de visitas, pero pedimos que os asociados achéguense con confianza, porque estamos á súa disposición para colaborar e sacar negocio adiante. O que esperamos desde BBVA é que por mor deste convenio a relación entre Acisa e a nosa entidade sexa moito máis intensa e logremos avanzar”.