Ribadeo, 16 de xuño de 2016.- O Boletín Oficial da Provincia publica este xoves a licitación de varias obras, que se acometerán en Ribadeo durante o verán. Trátase do reforzo da rede de saneamento e do pavimento da rúa Alza-Cemiterio e da mellora de dúas estradas en Arante e Remourelle. O investimento total ascende a 175.000 euros, segundo deu a coñecer esta mañá o alcalde, Fernando Suárez.
Suárez Barcia dixo que “aproveitando tamén unha convocatoria de subvencións para infraestruturas públicas queremos actuar tanto na vila como no campo, que son sempre os nosos dous eixos principais”.
O rexedor ribadense explicou que “no Boletín Oficial da Provincia hoxe saen a licitación dúas obras importantes. Por unha banda no ámbito urbano a pavimentación da rúa da Alza ata o cemiterio, é dicir, de toda esta rúa que conecta desde a Avenida de Asturias e que vai dar ao cemiterio municipal de Ribadeo. Vaise dotar dunha nova capa de aglomerado asfáltico e nunha parte dela efectuarase un reforzo da rede de saneamento, por un importe de 73.000 euros, que sae a licitación”.
Fernando Suárez relatou que “por outra banda sae tamén unha convocatoria para aglomerar dous camiños en parroquias, neste caso na parroquia de Arante máis en Remourelle. O primeiro deles é o acceso principal a Remourelle, o que vai desde a estrada Reme-Vilamar e que chegará ata o barrio da Madanela en Remourelle. Outro en Arante desde a estrada da Deputación, a número 5204, ata o barrio de Cei. Neste caso tamén serán con aglomerado asfáltico, que se cadra é máis caro pero o rendemento, a conservación e o mantemento son infinitamente mellores”.
O alcalde manifestou que “por mor das xustificacións en tempo bastante axustadas, estas obras témolas que facer en plena época estival. É positivo porque nesta época non chove e as mellores calidades para os asfaltados sempre son as que se fan nestas épocas de calor, pero é negativo para conciliar iso sobre todo no ámbito urbano cos turistas. Pero é necesario se queremos que Ribadeo vaia mellorando e renovándose pouco a pouco como estamos a facer”.
Suárez Barcia subliñou que “todos aqueles contratistas cualificados que queiran facer a súa presentación de ofertas económicas e técnicas teñen 26 días naturais a partir de hoxe para facer a súas propostas. No que ten que ver cos asfaltados nas parroquias ascende a uns 102.000 euros e o que ten que ver coas obras no ámbito urbano son 73.000 euros. Practicamente 175.000 euros, unha gran parte de fondos europeos e do Concello de Ribadeo de fondos propios, e xa en menor medida e a moita maior distancia, unha achega pequena da Xunta e do Ministerio”.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
