Santiago de Compostela, 16 de xuño de 2016.- Esta fin de semana a Consellería de Cultura e Educación leva ata os municipios de Verín, Vilalba, Viana do Bolo, O Pereiro de Aguiar, Celanova e Burela as propostas de dinamización lingüística do programa ‘FalaRedes’, que a Secretaría Xeral de Política Lingüística lle destina ás entidades adscritas á Rede de Dinamización Lingüística (RDL) da Xunta de Galicia. Nestes derradeiros días da primavera, os protagonistas serán Os Bolechas, que seguen a espallar o espírito olímpico polo país, e o ‘Todo me fala de ti’, un tributo musical ao poeta Manuel María.
Citas co ‘FalaRedes’ na fin de semana
A primeira función de ‘Os Bolechas van ás Olimpíadas’ terá lugar o sábado en Verín (Auditorio Municipal, 12:30 horas). Ese mesmo día, os personaxes de Pepe Carreiro pasarán por Viana do Bolo (Casa da Cultura, 19:30 horas).
Ao día seguinte, domingo, Os Bolechas paran no Pereiro de Aguiar (Centro de Día dos Gozos, 12:00 horas). Pola tarde pecharán actividades en Celanova (Auditorio Municipal Ilduara, 18:30 horas).
Concurso olímpico para dinamizar o galego
O espectáculo ‘Os Bolechas van ás Olimpíadas’ está pensado para gozar en familia. Os seis famosos irmáns requirirán a axuda dos rapaces e rapazas asistentes para superaren unha serie de probas e deste xeito venceren o seu antagonista Romualdo. Se, co apoio do público, o conseguen, terán garantido o seu pase para as Olimpíadas de Río 2016.
A participación promovida por esta actividade non se limita ao día do espectáculo, pois ‘Os Bolechas van ás Olimpíadas’ ten continuidade a través das novas tecnoloxías, no web www.osbolechas.gal/olimpiadas.
Tributo musical a Manuel María
Pola súa parte o espectáculo musical ‘Todo me fala de ti’ despídese do ‘FalaRedes’ 2016 despois dunha xira que os levou por 15 municipios de Galicia. O sábado o espectáculo musical estará no Auditorio Municipal de Vilalba (18:00 horas) e o domingo baixará o pano en Burela, concretamente no Auditorio da Casa da Cultura (19:30 horas).
‘Todo me fala de ti’ é un proxecto musical liderado por tres coñecidas figuras da música galega: Uxía, Magín Blanco e Santi Cribeiro. O espectáculo é unha homenaxe ao poeta Manuel María pensado para compartiren pequenos e grandes. Partindo dos versos do chairego, con ‘Todo me fala de ti’ percorremos un universo de ritmos, que van dende o pop ata o tango.
Próximas citas: Viveiro e Fene
Na vindeira fin de semana, a derradeira do mes de xuño, o ‘FalaRedes’ achegará Os Bolechas ata as comarcas da Mariña e de Ferroterra: o sábado, día 25 de xuño, o espectáculo ‘Os Bolechas van ás Olimpíadas’ poderá verse no Teatro Pastor Díaz de Viveiro (18:00 horas); ao día seguinte, domingo 26, os amantes das aventuras bolecheiras teñen unha cita no municipio de Fene, concretamente no Local do CCRD de Perlío (12:30 horas).
‘FalaRedes 2016′
O programa de dinamización lingüística ‘FalaRedes’ chega á súa quinta edición con novas propostas para gozar do tempo libre en galego que se desenvolven ao longo de todo o ano nos concellos da RDL. En todos os casos as actividades son de entrada libre e de balde ata completar a capacidade das salas.
Os obxectivos de ‘FalaRedes’ son ampliar a oferta de ocio na nosa lingua, promover o seu uso e valoración positiva, fornecer o ámbito municipal de actividades de lecer en galego e apoiar os artistas que desenvolvan o seu traballo no idioma propio de Galicia.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
