Lugo, 24 de agosto de 2016.- O Partido Popular de Lugo celebrou unha Xunta Directiva Provincial, presidida por Alberto Núñez Feijóo, que serviu de base para presentar a candidatura desta formación política pola nosa provincia nas vindeiras eleccións galegas do 25-S.
O acto tivo lugar na área recreativa Los Robles, da capital lucense, nunha xornada protagonizada por unha intensa chuvia que aproveitou o cabeza de lista, Francisco Conde, para asegurar que, con estas circunstancias, “Queda claro que Lugo móllase por Galicia, móllase con Feijóo”.
Acompañados das 19 homes e mulleres que compoñen a lista electoral, o acto contou coas intervencións da presidenta provincial Elena Candia, do cabeza de lista dos populares lucenses, Francisco Conde e do candidato á reelección e actual presidente da Xunta e do PPdeG.
TODOS FORMAMOS O EQUIPO FEIJÓO
Na súa intervención Elena Candia asegurou que os populares lucenses están orgullosos da xestión de Feijóo ao longo das últimas lexislaturas, pese a que “non foron tempos fáciles por mor da crise”. Pero precisamente “esta boa xestión e os seus resultados amplamente recoñecidos” dálles folgos aos populares para “saír á rúa no obxectivo de volver a obter a confianza dos nosos veciños e acadar unha nova maioría”.
Para iso, dixo Elena, “contamos co mellor equipo”, que non son só as 10 mulleres e 9 homes que integran a candidatura. En Lugo o Equipo Feijóo “son tamén todos e cada un dos alcaldes e concelleiros. Son os 12.000 afiliados e militantes, cuxo traballo, implicación e compromiso, fará posible obter un gran resultado na provincia”.
COMBINACIÓN DE EXPERIENCIA E RENOVACIÓN
Candia tamén perfilou os datos fundamentais da candidatura popular que, segundo destacou “combina con gran acerto experiencia e renovación”. Cunha idade media inferior aos 47 anos (a persoa máis nova ten 25 e a maior 65) e renovada nun 74% respecto aos anteriores comicios autonómicos
Ademais, dixo, “e porque o PP de Lugo sempre está ao carón dos sectores máis importantes da economía da provincia, na nosa lista contamos con persoas vinculadas principalmente aos sectores da educación e Sanidade pública; do mundo rural e do mar, con expertos e profesionais destes ámbitos”. Un listado que se completa con especialistas en dereito e empresa, técnicos gandeiros, forestais e veterinarios.
UNIDADE FRONTE A EGOÍSMO POLÍTICO
Pola súa banda o cabeza de lista dos populares lucenses, Francisco Conde puxo en valor a unidade do partido ante un proxecto e un liderado claro -o de Feijóo- e fronte a outras alternativas cuxa única preocupación, como se está demostrando co comportamento dos partidos da oposición, é pelexarse por un escano, “Nós, os populares, pelexámonos unidos por Galicia”
Conde defendeu o compromiso do Goberno da Xunta coa provincia de Lugo e fixo un repaso por distintas actuacións entre as que citou a instalación dos servizos de Hemodinámica, Radioterapia e Medicina Nuclear no Hospital Universitario Lucus Augusti (HULA) de Lugo ou o proxecto tecnolóxico de Rozas, o maior investimento tecnolóxico feito nunca nesta provincia. Fixo mención tamén aos investimentos nas estradas como o corredor Sarria-Monforte ou o acceso ao porto de Burela.
O número un da lista popular pola provincia de Lugo, rematou reclamando o apoio para que “o equipo que acompañou Galicia na saída da recesión poida seguir acompañándoa ata 2020”.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
