Burela, 16 de decembro de 2016. O alcalde, Alfredo Llano, ven de solicitar unha entrevista co presidente da Xunta, Alberto Núñez Feijoo, para abordar temas como a construción da nova Edar e a xestión da segunda escola infantil. O rexedor burelés espera manter ese encontro nos primeiros meses do vindeiro ano.
Llano lembrou que “xa cando estivo aquí o presidente da Xunta estivemos falando de ter unha conversa máis tranquila e sosegada pensando no beneficio do noso concello, e o día da inauguración do acceso ao porto xa quedamos en manter unha entrevista en Santiago”.
O alcalde de Burela contou que “vimos de solicitar esa entrevista na que imos tratar entre outros temas a segunda escola infantil que queremos abrir no mes de febreiro, e do convenio e as fórmulas para levar a xestión desta nova instalación. Tamén o mesmo día que veu inaugurar o acceso ao porto, xa lle dixen que me gustaría que viñera a inaugurar esta escola”.
O rexedor burelés engadiu que “outra cousa que eu considero moi importante e o pobo tamén, é a construción dunha nova Edar na zona portuaria que substitúa á que temos agora. Esta é unha Edar química e queremos substituíla por unha biolóxica, que é moito menos contaminante e moito máis efectiva”.
Alfredo Llano dixo: “falaremos tamén da ampliación do Hospital da Costa e en xeral de todos aqueles temas que sexan importantes tanto para Burela como para a comarca. Aquí existe unha problemática e como presidente da Mancomunidade así o farei saber. Penso que na comarca debemos ir todos montados no mesmo vagón, dado que se un Concello da comarca vai ben o resto tamén ha de ir ben. Hai que procurar defender a comarca como unha entidade propia, como unha Mancomunidade que é, e despois procurar que entre todos desenvolvamos o máximo posible en todos os aspectos esta comarca que pensamos que é moi interesante”.
O alcalde burelés agarda que “para o mes de xaneiro ou febreiro vaia comunicarme facer a entrevista co presidente da Xunta de Galicia”.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
