Foz 03-04-2017.- Diante do voto en contra, tanto do PP coma do BNG, á moción presentada polo partido socialista para instar á Xunta a demorar a entrada en vigor do Decreto de ordenación de apartamentos turísticos e á revisión dos requisitos a aplicar nos casos de alugueres de vivendas particulares, compre aclarar:
Os socialistas en ningún momento negamos á regulación deste sector turístico, nin a que o parque de vivendas en aluguer de particulares sexan de calidade, o que si pensamos é que son demasiados os requisitos esixidos a particulares o que vai facer que moitos propietarios desistan de alugar.
Foz non conta con unha oferta hoteleira suficiente para cubrir a demanda de todos os visitantes que recibe no verán. Non sería bo, nin para o sector da hostalería nin para o comercio, que por falta de aloxamentos se deixasen de recibir turistas.
Non pensamos que se deba considerar “empresarios do sector turístico” a veciños que alugan a segunda vivenda ou incluso a propia polo verán.
Non se trata de potenciar a economía sumerxida nin a competencia desleal, como pretenderon facer ver tanto o PP coma o BNG.
Tratábase de instar á Xunta a flexibilizar os numerosos requisitos esixidos no Decreto, para adecualos á realidade e que non supuxesen trabas, en moitos casos insalvables, aos alugueres.
A solución a estas trabas, que xa empezan a ver os nosos veciños tras coñecer o Decreto, non pode ser “que contraten unha xestoría que para iso están” como sentenciou o BNG, nin negándose a solicitar da Xunta de Galicia flexibilidade e trato diferenciado para estes alugueres, ou demandándolle mais consenso e o diálogo co sector implicado.
Unha vez mais vemos como o Alcalde antepón á Xunta de Galicia aos intereses dos veciños do seu pobo, co BNG facéndolle os coros.
Si tanto PP coma BNG non queren defender aos veciños de Foz, farémolo os socialistas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
