A Mariña, 11 de maio de 2017. “A iniciativa que na tarde de hoxe defenderá o deputado mariñao Daniel Vega na comisión de sanidade do Parlamento é unha nova mostra do desprezo e a falta de compromiso do Partido Popular coa sanidade pública nesta comarca”, afirma Ana Ermida.
A responsable comarcal nacionalista califica de “desvergoña” atreverse nestes momentos a presentar unha iniciativa consistente en cambiar o nome do Hospital da Costa.
“Énos indiferente como se chame. O BNG o que quere é un hospital público na nosa comarca que funcione, con persoal suficiente para atender a pacientes que levan meses en listas de espera, con medios e material adecuado para que as e os profesionais poidan desenvolver o seu traballo e a atención sexa adecuada. Esa é a prioridade do BNG”, aseguran.
“Pola contra, parece que ao PP só lle interesa o Hospital para facer propaganda. Primeiro anunciando investimentos que nunca chegan. Despois anunciando prazas que non se crean e, por último, defendendo iniciativas totalmente baleiras de contido e sen ningún tipo de repercusión real nas persoas usuarias e profesionais do centro.”
Desde o Bloque Nacionalista Galego acusan ao PP e, nomeadamente ao deputado mariñao Daniel Vega, de falta de escrúpulos e de decencia. “Levan desaparecidos, sen falar do Hospital, desde que anunciaron aquel engano de que ían crear unha consulta de enfermería oncolóxica que recentemente desmentiu o SERGAS. E a seguinte iniciativa que presentan é para cambiar o nome do Hospital. É unha absoluta desfachatez e falta de respecto pola súa parte”, afirman.
A responsable comarcal pídelle a Daniel Vega que “explique como vai afectar esta iniciativa ao centro. Que é o que vai mellorar con isto? Van reducir as listas de espera? Vai haber máis persoal? Vai estar a xente mellor atendida?”, pregunta. “Porque, do contrario, estaríamos asistindo a un acto supremo de cinismo pretendendo facer propaganda de algo absolutamente irrelevante.”
Para a formación nacionalista, esta iniciativa non é máis que unha cortina de fume para tratar de tapar que non teñen ningún interese polo noso hospital. Non fan iniciativas para melloralo, para contratar máis persoal ou ampliar consultas. Fan iniciativas para aparentar que fan algo e quedar en simple propaganda.
O Bloque Nacionalista Galego pídelle ao PP que “se isto é todo o que teñen que aportar á sanidade da comarca, poden quedar nas súas casas e aforrarnos os salarios.”
“Coa situación que vive a sanidade e, en concreto o noso Hospital, que a prioridade do PP sexa cambiar o nome do hospital é rirse directamente na cara de todas as veciñas e veciños”, di Ana Ermida.
“Se estas iniciativas son a prioridade dun deputado que di representar a esta comarca e que pertence ao partido que goberna, non merece estar cobrando un salario que pagamos todas e todos”, aseguran.
“Cando o BNG fale no Parlamento do Hospital da Costa será para trasladar as demandas da xente. Para tratar de solucionar os seus problemas e para promover iniciativas e mellorar os servizos. O resto é facernos perder o tempo e faltarlle ao respecto á xente”, sentencian.
O BNG, ademais, di non entender a razón pola que debería figurar o adxectivo “público” na denominación do hospital. “Primeiro, porque non hai outro do que diferenciarse na comarca e, segundo, porque de habelo, o que tería que diferenciarse sería o privado, porque a rede sanitaria debe ser pública por definición”, explican. “Agardamos que isto non sexa unha declaración de intencións do Partido Popular sobre a sanidade na nosa comarca”, manifesta Ana Ermida.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
