Burela 7-2-18. O Pescados Rubén Burela FS fíxose co terceiro billete en pugna para a fase final de Copa Galicia onte, na pista do Noia Portus Apostoli (2-5). “Foi unha vitoria moi traballada” explicaba o técnico Juanma Marrube.
“Atopámonos co 1-0 nas poucas ocasións que tiveron os locais no primeiro tempo e talvez nos entrou un pouco a présa, tendo no recordo o partido de liga no que tamén nos vimos co marcador en contra. Na segunda parte, empatamos e puxémonos por diante; iso deunos un pouco de tranquilidade. Co 1-3, o partido entrou nunha fase máis de transicións e máis aloucada, co hándicap das cinco faltas. O 2-3 chegou nunha superioridade do Noia, ben defendida, pero pasou entre as pernas de dous xogadores, nunha situación de demasiado azar. Volvemos apostar por porteiro-xogador e deunos rendibilidade, serenándonos un pouco máis” facía así a lectura da cita o Mariskal.
Ficha técnica
Noia Portus Apostoli: Carlos, Samu, Marci, Kelson, Kike, cinco inicial; tamén xogaron Piki, Quintela, Nene, Álex, Kohei, Jorge Bello
Pescados Rubén Burela FS: Edu, Chus, Cora, Renato, Pope, cinco inicial; tamén xogaron Víctor, Hélder, Luisma, Colacha, Pitero, Héctor
Goles: 1-0, minuto 11, Marci; 1-1, minuto 21, Marci (propia porta); 1-2, minuto24, Hélder; 1-3, minuto 31, Colacha; 2-3, minuto 33, Kelson; 2-4, minuto 39, Chus; 2-5, minuto 39, Hélder.
Fase final
Xunto aos mariñáns, xa teñen o billete para semifinais O Esteo tras impoñerse a Sport Sala Culleredo, o 13 de xaneiro, por 2-5 e O Parrulo con 1-6 a favor fronte a Sala Ourense, o día 26. Pizarras Los Tres Cuñados recibirá o Santiago Futsal o sábado, día 10 (18.30 horas). “Será unha fase final bonita. É un aliciente para nós, forma parte do noso reto xa que este equipo non ten ningunha Copa Xunta; o obxectivo era estar entre os catro primeiros e aí estamos”, explicaba o adestrador laranxa.
Prone Lugo, segundo derbi da semana
O derbi de Vista Alegre ante o Prone traerá máis emoción, este sábado (19.00 horas, Vista Alegre): “Vén de facer un bo partido na pista do Puertollano; estiveron vivos ata a recta final e escapóuselles por detalles. Ademais chegarán coa fortaleza da vitoria do sábado pasado como locais, fronte ao Manzanares (4-1)” advertía Juanma, facendo referencia ás necesidades opostas de ambas as escuadras, entre a quinta praza mariñá e a penúltima luguesa: “Para o Prone será unha final máis, está acostumado a xogar unha final cada sábado e nós temos seguir loitando por seguir arriba na táboa dende a tranquilidade de xogar na casa”.
A Mariña respira fútbol sala
“Se se respira fútbol sala é porque a xente quere e aposta por este deporte. É un evento inmellorable para gozar do noso deporte. O club ao longo destes últimos anos catapultou a posibilidade de acoller eventos deste nivel, como o Memorial Heroes do Orzán no que colabora coa Fundación Imdecum. Xa é a segunda vez que se organiza unha cita de Sub-17”, valoraba Juanma Marrube.
Inmerso no grande ambiente do Campionato de España de Seleccións Autonómicas Sub-17 Feminino que acollerá A Mariña esta semana, Vista Alegre ofrecerá Tarde Laranxa o sábado, con compromiso de Primeira RFEF, ás 16.30 horas, fronte a UA Alicante, e de Segunda LNFS, ás 19.00 horas, con Prone Lugo. A TVG2 será testemuña da dobre cita, na que o Pescados Rubén festexará o Entroido con entrada totalmente gratuíta para todas as persoas que acudan disfrazadas.
“Espero que o sábado sexa unha boa xornada tanto feminina coma masculina e animo a toda a xente a que veña deleitarse co futuro do fútbol sala feminino que visita A Mariña estes días. Tamén quero mandar unha mensaxe de apoio á Selección Galega e especialmente a Sofía e ás xogadoras da Fervenza, Carol, Lucía e Cris”, concluía Juanma Marrube.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
