Lugo, 9 de abril de 2018.- A Consellería do Medio Rural pagou o pasado ano máis de 91 millóns de euros en axudas da PAC na provincia de Lugo. En concreto, suman 91.780.190 euros, que supoñen arredor dun 15% máis que a axuda pagada en 2016.
Deste montante global, máis de 71 millóns de euros corresponden aos pagamentos directos do Fondo Europeo Agrícola de Garantía (Feaga) e o resto ás medidas de desenvolvemento rural que xestiona o Fondo Galego de Garantía Agraria (FOGGA): Axudas a zonas con limitacións naturais, fomento de medidas agroambientais e da agricultura ecolóxica, e para o mantemento de plantacións forestais en terras non agrícolas.
O delegado territorial da Xunta en Lugo, José Manuel Balseiro, explicou que estas achegas benefician a preto de 12.500 gandeiros e gandeiras lucenses, a maioría dos cales ingresou xa como media en torno ao 95 por cento do importe das axudas directas que lles corresponden.
Ao respecto, cabe subliñar que a campaña 2017 da PAC continúa aberta, dado que estas tempadas comezan o seu prazo ordinario de pagos o 1 de decembro de cada ano e rematan o 30 de xuño do ano seguinte, aínda que xeralmente a Xunta xestiona o pago de anticipos anteriores á data de inicio.
Paralelamente, a consellería publicou xa a convocatoria de axudas da PAC para o 2018. O prazo para presentar solicitudes está aberto ata o 30 de abril. Entre as novidades que presenta, terá especial incidencia para a provincia o incremento do pago complementario para agricultores mozos, que pasa do 25% ao 50% do importe do pago básico, vantaxe da que poden disfrutar durante cinco anos. Tamén se flexibiliza o período no que poderán solicitar a axuda respecto da data da incorporación, co fin de facilitarlle a súa integración á actividade agraria. Na provincia solicitaron este complemento no 2017 un total de 1.211 gandeiros menores de 40 anos.
Outra novidade salientable atinxe ás axudas a zonas con limitacións naturais (ZLN) distintas das zonas de montaña, ao incrementarse o número de concellos de modo que na provincia pasan a ser todos excepto Rábade. Ata este ano quedaban excluídos tamén dez concellos da Mariña: Barreiros, Burela, Cervo, Foz, Xove, Lourenzá, Ribadeo, Trabada, Viveiro e O Vicedo.
O delegado territorial subliñou “a incidencia que teñen as axudas da PAC na renda dos agricultores e gandeiros lucenses, impulsando o futuro dun sector básico na economía da provincia”.
Datos por programas
Os servizos de Medio Rural da Delegación Territorial de Lugo xestionaron durante o pasado ano o pago de 71.740.315 euros de axudas directas, 9.556.452 euros en axudas a explotacións de zonas con limitacións naturais, e 10.483.422 euros en axudas agroambientais e para impulsar a produción ecolóxica.
As axudas directas supoñen o 78% do importe total e inclúen o pago básico, un montante que depende da superficie que se destina á actividade agrogandeira, e o pago verde, que atende a criterios de coidado ambiental e supón aproximadamente o 51% do pago básico. Tamén entran nesta categoría outras axudas como as achegas por animais, para agricultores mozos e pequenos agricultores ou por cultivos proteicos. Na provincia tramitáronse o pasado ano 12.487 expedientes de axudas directas.
En concreto, as liñas con maior contía dentro das axudas directas son o pago básico, con máis de 28 millóns pagados entre preto de 9.000 solicitantes; o pago verde, con 14,6 millóns de euros e máis de 9.000 beneficiarios; 16 millóns de euros destinados a 3.500 gandeiros de vacún de leite, e os 8,3 millóns para explotacións de vacas nutrices.
Datos por comarcas
Polo que respecta á distribución por comarcas, a Terra Chá acapara máis da cuarta parte das axudas pagadas, en concreto o 26% (23,8 millóns de euros). A esta comarca pertence o concello que máis PAC recibe na provincia, o da Pastoriza, con 4,7 millóns de euros.
En segundo lugar sitúase a comarca de Lugo, que recibe o 18,1% das achegas (16,5 millóns de euros). Tamén nesta área atópase o segundo concello con máis investimento, o de Friol, que supera lixeiramente aos de Castro de Rei e Guitiriz, todos eles con máis de 3,5 millóns de euros.
Na comarca de Sarria pagáronse 13,5 millóns de euros, o 14,8% do total, mentres que as comarcas da zona sur asumen o 13,2% do importe das subvencións: Chantada percibe máis de 7 millóns de euros, Terra de Lemos 4,3 millóns e Quiroga 453.000 euros.
Na Mariña abonáronse 6,7 millóns de euros (que representan o 7,3% do total), nos Ancares 6,5 millóns (o 7,2%), na Ulloa 4,3 millóns (o 4,7%), na Fonsagrada 4,2 millóns de euros (o 4,6%), e na comarca de Meira 3,6 millóns de euros (o 4%).
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
