O Torneo de Fútbol Sala Burela Bonita (31 de agosto e 1 de setembro) regresa un verán máis volvendo apostar por un cartel de luxo na súa terceira edición, con Palma Futsal, Santiago Futsal e Noia Futsal, xunto ao Pescados Rubén Burela FS, pero tamén coa estrea da competición xuvenil. Así se deu a coñecer esta mañá no consistorio burelao, que acolleu a presentación do evento coa presenza do alcalde, Alfredo Llano, e o concelleiro de Deportes, Ramiro Fernández, na compaña do presidente do club laranxa, Manuel Blanco, e o vicepresidente, José Luis Sáez, así como os xogadores Iago Míguez e Renato.
Manuel Blanco animou a afección a achegarse a Vista Alegre para coñecer o novo equipo, un equipo repleto de forza e ilusión: “Será a presentación do noso equipo, da nova tempada, con caras coñecidas e caras novas, ademais de ter a oportunidade de gozar doutra parte moi importante do noso club, de todos os clubs, coa competición do equipo xuvenil, xunto a Palma Futsal, Santiago Futsal e EDM Guitiriz” aplaudía o presidente burelista, ante unha cita de emoción asegurada: “Vista Alegre reunirá os tres equipos galegos de Segunda División, xunto a un dos equipos de referencia en Primeira. Será un torneo moi bonito, sen dúbida, con gran competitividade e do que seguro que gozaremos todos”. Iago Míguez e Renato tamén quixeron animar a afección para verse arroupados: “Para os xogadores é moi especial presentarnos nunha cita deste nivel, con rivais desta entidade”, advertían os deportistas.
Dende o Concello, Alfredo Llano e Ramiro Fernández salientaron a súa firme aposta polo deporte, por este torneo e pola promoción de base. “Temos unha grande implicación, xunto co Pescados Rubén Burela FS, dende a primeira edición do torneo. É unha excelente oportunidade para promover tanto a práctica deportiva coma a afección polo deporte, sobre todo entre os máis novos. Será unha cita na que o atractivo estará garantido, con equipos de gran nivel, un gran referente para a nosa comarca e para a nosa provincia” valoraba o alcalde de Burela, sobre o que o concelleiro de Deportes facía fincapé, convidando a veciños e visitantes a deleitase co espectáculo: “Temos que agradecer a disposición do Pescados Rubén na organización de citas sempre de referencia e tamén polo seu traballo dedicado á base, que é unha das nosas preferencias dende o Concello. Unha clara mostra é a presenza da categoría xuvenil no cartel deste III Burela Bonita”.
Venda anticipada. Dende mañá, mércores 22 de agosto, os amantes do futsal poderán adquirir a súa entrada por tan só 5 euros/adult@s (abono único para os 2 días) na oficina do Pescados Rubén Burela FS (Avda. Arcadio Pardiñas, número 97, entreplanta). Para os menores de idade a entrada será totalmente gratuíta.
Horario: De luns a venres (9.00-14.00 horas)
XUVENIL
Venres 31 de agosto
16.00 horas: Pescados Rubén Burela FS-EDM Guitiriz
17.30 horas: Palma Futsal-Santiago Futsal
Sábado 1 de setembro
16.00 horas: 3/4 posto
17.30 horas: Final
SÉNIOR
Venres 31 de agosto
19.30 horas: Pescados Rubén Burela FS-Santiago Futsal
21.30 horas: Palma Futsal-Noia Portus Apostoli
Sábado 1 de setembro
19.30 horas: 3/4 posto
21.30 horas: Final
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
